السلام عليكم
رحت اليوم لقسم التشكيلات الاداريه وقابلت رئيس القسم " ناصر الملحم "
والي صار معي بالنص كالتالي:
دخلت المكتب سلمت وسألته عن نتائج القبول لأني ابي اسافر وما يربطني فالدمام الا نتيجتكم
سألني عن الوظيفه الي قدمت عليها
جاوبته " فني مختبر فيزياء ( طاقه وحرارة ) - المرتبه السابعه , وعطيته اسمي
جلس يقلب في صفحات النتائج الي عنده حتى حصل الوظيفه
بعدها سألني أذا حضرت المقابله الشخصيه - استغربت من سؤاله وقلت له ايه حضرت
رجع يناظر فالاوراق وجلس شوي وبعدها قال ما تم ترشيحك ( حسيت ان اسمي ما كان موجود من الاساس او استبدل باسم ثاني )
سألته طيب كم ترتيب ترشيحي، بس للأسف ما افادني بشي ردد نفس الكلام لم يتم ترشيحك - وانسدت نفسي بعدها وطلعت مباشره
طبعا الي مقدمين معي على نفس الوظيفه ثلاثه " انا ثالثهم" يفترض انهم يقبلون واحد على الاقل مننا والباقي احتياط ويفترض اسمي يكون احتيااط حتى ولو لم يتم ترشيحي ( شي غريب !؟)
على العموم نأسف لزيادة مواجعكم بكلامي هذاا، الهدف من كلامي هذا ماهو لعب دور كونان لكن
ابغى يوصل كلامي للي قدموا معي على نفس الوظيفه حنا ثلاثه نعرف بعض وقد تقابلنا مرتين فالاختبار وفالمقابله اذا شفتوا كلامي هذا أتمنى تروحون تراجعون الجامعة وتتأكدون من اساميكم
لازم تكون الوظيفه لواحد مننا حنا الثلاثه غصب عن خشومهم مو بكيفهم اذا كان في تلاعب في النتائج نراجع الجامعه سواء
واذا كانت الوظيفه من نصيب واحد من الي خشو المقابله، فالله يبارك له ويهنيه فيها
ويعوضني والي ما انقبلوو خير
ملاحظة اخيره : ناصر الملحم عنده اوراق المقبولين شفتها انا وشفت فيها اسماء مضلله نصيحة لاحد ينتظر يدقون عليه اذا له قدره يروح لهم
وبالتوفيق للجميع .. وان شاء الله ما تسمعون الا الي يسركم ..