|
رد: إيقاف الإعانات المالية عن 393 شخصاً من منسوبي «وزارة العمل»
مدري ليش مركزين علينا حنا الضعوف الفقراء والمعاقين وكأن ماياكل خيرات البلد الي حنا مع انا مالنا الاالفتات ومن زكوات الناس بعد ،،يعلم الله اني مالي مصدر رزق غير ضمان اجتماعي وتأهيل شامل الفين كل سته شهور وربي مالي مصدر رزق غيرها
حاولت اصلح وضعي وماقدرت المشكله فئتنا بالتاهيل معد لها تقديم لاننا فئه غير شديدة الاعاقه ( عندي ضعف سمع) ومهددين ب اي وقت توقف الاعانه الالفين حقت السته شهور...
والضمان بعد يهددونا بالتحديث والانقطاع
شوف سالفتي وردو تكفون:::🔴
عني انا حرمه كبيره بالعمر ومالي احد بالدنيا كنت اخذ من الضمان ومازلت تزوجت واحد قال كل معاناتك رح تنتهي معي استاجر لك بيت واصرف عليك واغنيك عن كل شي تزوجته وبعد الزواج اكتشفت كل الكلام كذب سحب علي وراح اختفى معد اشوفه الامن فتره لفتره اقسم بالله مايصرف هلله على بيتي او يجيب اي شي تركته بحياتي والسبب لااقدر اتطلق يبان بالاحوال اني مطلقه ويخرب علي موضوع الضمان
والحين تحديث يبون ورقة الطلاق الاصل وهي ماهي عندي عشان هذا الزواج الاغبر
كيف اسوي بحالتي ياناس والله مااغناني هذا الزوج بشي ورب الكعبه ولو قطعو الضمان مالي اي مصدر رزق وانا حرمه عمري موصغير ولافيه اي وظيفه تقبلني
كيف اسوي المشكله مو اكل وشرب ولبس والله لو نعيش ع المويه المشكله ف بيت الايجار من وين نجيب الايجار وانا الحين عايشه تحت خط الفقر قسم بالله انه الالف اجمع منه حق الايجار واكل بالباقي واحرم نفسي من اللبس واي شي فيه رفاهيه اجار شقتي 10 الف كل سنه
ياناس علموني كيف اسوي بالهم الي كل سنه ورب الكعبه ماني عارفه كيف اتصرف
من الخوف من ذا التهديد حق الضمان الي كل سنه
(انا وحده وضعي صعب جدا ومعقد ( اعاقه سمعيه/مقطوعه من شجره/ عمري كبير لايسمح بالعمل ) كيف احل مشكلتي مع التحديث وورقه الطلاق
نفسيتي تعبت العام هددونا والسنه هذي نفس الشي خوف وقلق وحزن وهم وغم زياده ع الفقر يعني وش يبغون مننا حسبنا الله ونعم الوكيل
ردو علي تكفون لاتتركوني😭😭
التعديل الأخير تم بواسطة بكرا احسن ; 19-06-2016 الساعة 03:37 PM
|