المشاركة الأصلية كتبت بواسطة فوووق

السلام عليكم , الله يعطيكم العافيه والله يوفقنا واياكم وييسر امورنا جميعا

فعلا اللي بينتظر احد يدق عليه عشان يسوي مقابلة حليله لانه بينسحب عليه ولا احد بيعطيه وجه اصلا

لازم الواجد يروح بنفسه انا جيتهم يوم الخميس 11 رمضان قالي الموظف بدري !!!!!! قلت ليه قال اخوياك اللي مقدمين معك خلصوا لهم اكثر من اسبوع !!!!!!! قلت محد كلمني قال ومين قالك ان فيه احد درا عنك .

طبعا انا امشي على كلام الخدمة المدنيه وللاسف انهم داجيم ولا يعرفون شي الواحد يبغا يصرفك ويخلص منك باسرع وقت ولا موظف الخدمة المدنية قالي هم اللي بيدقون عليك .

المهم اني خلصت المقابلة الشخصية في نفس اليوم بعد ما اخذت الخطاب اللي عشش عند شؤون الموظفين ورحت للقسم اللي سوالي المقابله الشخصية , بعدين قالولي خلاص بنرسله فاكس للخدمة المدنية (فرع الدمام) طبعا فاكس اسرع وعطاني نسخه قالي عشان اذا جحدوك تطلعه لهم وهذا اللي صار فعلا هههههههههه يوم جيت الخدمة المدنية قالولي ماوصلنا ولما طلعته لهم قالو اوووه هذا فاكس معليش ما انتبهنا !!!! , المهم انه عطاني نماذج اعبيها واوراق للفحص الطبي ورحت سويت الفحص قالولي بياخذ من 10 الى 14 يوم لين يخلص وهذا انا انتظر والله يسهل امورنا واموركم ان شاءالله واسف على الاطالة بس حبيت افيدكم وافضفض عليكم شوي