أختي العزيزة سعده عوض
ربما سقط عنك قراءة نقطة محددة ذكرتها بنهاية ردي الطويل
وها أنا آقتبس من ردي لكِ :
"أنا مو مع تأخير المقطوعة
لا والله
أنا مع منع نزولها لكل المقدمين"

أنا كاتبة ردي كله لإن مو عاجبتني المرمطة وقله الحيا اللي مسوينها
لكن ربما إنها خيرة الله حتى يبان المحتاج من غيره.

عزيزتي أميرة بطبعها
والله العظيم من قبل أكثر من 10 سنين ومازالت
آعرف عائلتين الله يزيدهم معرفة شخصية جدًا
أملاك وأموال ومازالوا مسجلين بالضمان ومقدمين ع المقطوعه
وهم اللي علموني عليها أصلا أيام ماكانت تنصرف في ظرف 3 شهور
وهم أول السابقين للتقديم وهم أهل الواسطات اللي يستلمونها مرتين بالسنة.
لاحظي انهم عائلتين اللي اعرفهم معرفة شخصية وأخذها بذمتي
غير القصص اللي نسمعها وتوصل لنا ونتمنى بدواخلنا إن الفساد الداخلي
في الضمان وغيره ما يكون بهذا السوء!
غير إني أشوف بعيوني وربي بيسألني عن اللي شفته
كيف كان فيه فرق بالمعاملة بين اللي عندها واسطة وبين اللي بالإنتظار من 7 الصبح
كنت أشوفهم يدخلون ع المديرة أو يوصلون للموظفة ويقصون أدوار علينا !
ليش محد يتكلم ويقول كلمة الحق ؟
الفساد مننا وفينا سواء وزير أو إداري أو موظف بسيط
وزي ماكان يقول أبوي الله يرحمه: "المال السايب يعلم أهله السرقة".
مو كل اللي بالضمان محتاجين ، مو كلهم عندهم ديون ، مو كلهم يتمنون 50 ريال بأخر 10 أيام قبل الراتب.
لما تعممين إن أهل الضمان كلهم محتاجين يحتاج لك تعيدين نظر عزيزتي .
المسجلين حسب فئاتهم في منهم الغني والفقير
وكون المقطوعة تنزل للكل هذا غلط!
لا تنسين إن الضمان الإجتماعي أموال صدقات
والصدقة تُؤخذ من الغني للفقير .
وآسفه للإطالة.