عليكم السلام ورحمة الله وبركاته ,,
أولاً الله يوفقك ..
البحث والإستطلاع والإستشارة وتجميع المعلومات والسؤال قبل البداية شيء مهم ..
بالنسبه "للأسعار".. اللي ياخذ حبه غير عن اللي ياخذ 10 وابو 20 غير عن ابو 30 وهكذا ..
طبعاً لكل بايع سياسه .. بعضهم لو تطلب 30 حبه ما غيّر لك السعر ..
وبعضهم على 5 حبات يخصم لك ..
المنتج وسعره هو الحكم وأيضاً سياسة البايع ..
أما ما يخص البضاعه ..
المحل اللي حصلتيه يبيع المنتجات ممكن يستوردها من الصين بكميات و بجوده عاليه تنافس الاوربيه .. هذا إذا كانت المنتجات تصنيع أوربي او أمريكي ..
أما إذا كانت المنتجات تصنع في الصين وتُباع في أوربا ..
أنصحك تكثفين البحث عنها في المواقع الصينيه 90% تحصلينها ..
والأسعار من الصين بتكون أوفر وأقل من أوربا
إذا كان المنتج منتشر في المواقع .. مو محتكر بيعه في موقع معين .. ممكن تلقينه بمواقع ثانيه وتختلف الأسعار
ودايماً الأسعار من المصدر أو البايع الرئيسي تكون أقل .. ومو شرط البايع الرئيسي يكون أقل !!
بعطيك مثال ..
هنا صندل من موقع الشركه الأم وهي معروفه عند الاجانب Dr Martens
سعره 110 دولار
http://www.drmartens.com/us/p/mens-s...i-chromo-platt
..
..
هنا نفس المنتج من موقع معروف بالماركات ..
وبسعر أقل من الموقع الرئيسي !
السعر 72 دلاور !
https://www.ssense.com/en-us/men/pro...sandal/1349253
...
السجل التجاري .. إذا ماعندك كميات كبيره ما يحتاج ولا له داعي ..
..
بالنسبه للموقع إذا حصلتي فيه المنتجات تواصلي معهم على الإيميل أو أي طريقه ثانيه مثل الشات ..
أغلب المواقع تلقين فيها شات أو بريد إلكتروني للتواصل وغالباً ردهم يكون سريع خلال 24 ساعه
..
نقطه أخيره .. أنا ماعرف وش المنتجات بالظبط بس لو كانت ثقيله في الوزن أو كبيره في الحجم مانصحك تشتغلين فيها لان بتاخذ منك قيمة شحن زياده وتلقين صعوبه بالكميات ..
أحرصي على ما خف وزنه ورخص ثمنه ..
.
.
بالتوفيق والله يرزقك من واسع فضله ..