اقتباس:
المشاركة الأصلية كتبت بواسطة أم حمزة ومعاذ
اختي مشروعك محل اسر منتجه?
لاني قرأت لك كذا رد بالخصوص هذا
مشروعي نفسك بس اضيف اشياء اخرى
عشان مايكون اعتمادي ع الاسر المنتجه فقط
الخاص مايستقبل عند ياليت نفيد بعض
|
لا والله غيرت النشاط
سابقا كنت متحمسه لمحل اسر منتجه وسويت دراسه جدوى
بس خذت جوله لمده شهرين في الرياض
للاسف هالنوع من المحلات ماعاد تسوى تعبها
اليوم طالعه العصر لفيت لفيت في شارع واحد 6 محلات والله مافي الزباين بالقطاره ركود
ماعاد عليها اقبال و محل بنفس الشارع عارضه للتقبيل
اذا كنتي في الرياض نصيحه خذي جوله ولا تستعجلين واعرف محلات جاهزه للاسر المنتجه
اصحابها بيقبلونها اذا تبين تاخذينها وتبدين فيها
لكن نصيحه اخت تريثي الفلوس اذا راحت ماترجع والناس توعت وشافت جشع بعض محلات الاسر المنتجه
و عدم امانة بعض الطباخات مع انتشار هالمحلات صار الي يعرف ولا يعرف للطبخ يبيع عشان يترزق
انا في البدايه انبهرت فيها اول ما انتشرت العام اما الان ! صارت مكرره واغلب المحلات تشكي من قل الاقبال
فيه محلات ناجحه جدا لكن من هالمحلات ! هي الي بدت وكانت سباقه للمشروع اما الي قلدو للاسف فاشله
خذي جوله واحكمي بنفسك قبل تتسرعين واذا تبين محل جاهز بديكوره و اثاثه وثلاجاته علميني ادلك