ماشاءالله تبارك الله... فكرتك تهبــــــــــــل..
والله انا من فتره ودي اتعلم المحادثه عن طريق النت بس كول مره احاول ماألقى قودامي الا رجال !! وصعبه اخود وادي معاهم في المايك
حتى روم تعليم الانقلش اللي في السكايب الاستاذ تبعو رجال 
<< ياربي فين مانروح نحصلهم قودامنا خخخخ
عاد اسمعي يابنت والله فكرتك عجبتني كثيييييييييير وان شاءالله اسجل معاكي بس ارسليلي يوزرك ع الخاص عشان ااتفاهم معاكي ع السكايب اسهل<< لأني ماحقدر ارسلك خاص
بس ودي اسالك عن شي,, انا متى اقدر اختبر توفل وانجح؟
وانا بصراحه تنكه على قد مادرست بس مافي امل فيني ماأعرف اتكلم, اوكي افهم لكن محادثتي عدم مع اني ماخده الكورس الخامس *_*
وعلى فكره يابنات مو ضرري تاخدوا شهايد ع المستويات مع كراميل, اهم شي تستفيدوا وتفهموا وتطوروا لغتكم,, وبعد كدا تقدروا تروحوا لجامعة الملك عبدالعزيز وتختبروا توفل بـ 200 ريال فقط
بس اسمحيلي كراميل ترى المبلغ غالي شوي..
يعني دحين المعاهد تدرس الكورس الواحد لمدة شهر بـ 500 او 600 مع تسليم المنهج!
يعني لو خفضتي اكيد بتلقي قبول من بنات كثير اعرفهم ((والسموووووووحه مجرد رأي^_^ ))