المشاركة الأصلية كتبت بواسطة يارب ملازم أول
حكاية الراتب تختلف حسب القطاع الي تتوجه فيه اما خدمات طبيه او قوات بريه
الراتب الاساسي هو ثابت سواء كنت طبيب مهندس اخصائي صيدلي الخ.. : 8835 ريال
وهذا الراتب الذي تحسب عليه القروض في البنوك وعليه تعطى القرض ووالخ ..
وهذي نقطه يجهلها الكثير
اساسي 8835 والباقي بدلات .. حسب المستشفى الي تتعين فيه وحسب الموظف الي يرفع لك بدلات
يعني اعرف اثنين في مستشفى واحد وخريجين دوره وحده راتبهم يختلف
السبب ان واحد منهم قال انا استحق بدل كذا وكذا وخويه ما يدري
الطبيب عنده بدل 100% من الراتب الاساسي
يعنني الراتب الاساسي 8835 ريال ومع البدلات يكون الصافي 17670 ريال وكحد أقصى 20 ألف
اذا ابتعثت للبورد يشيلون عنك بدلات .. ناسي بالضبط وش هي واعتقد بدل السكن
وتعديل الرتب يكون بالسنوات . ولو اخذت بورد او زماله تسجل في ملفك عشان تمسك مناصب وعشان بعديم اذا وصلت عقيد اذا شافو ملفك كويس وحصلت على دورات وووالخ تترقى الى عميد وبعدين لواء
لان عميد ولواء وفريق ووالخ.. هذي ما تجي الا بامر ملكي ومنحه ملكيه واذا ماعندك شي بتتقاعد على عقيد
والترقيات عشان تجيك سريع سريع لازم تجتهد .. اعرف مقدم صيدلي يستحق عقيد وله سنتين ما علق الرتبه ولا جاه الامر
الاثر الرجعي :
الاثر الرجعي هو استحقاقك من راتبك
ويحسب بعد التخرج
مثلاً انت تخرجت شهر 8 من العسكريه
وفي العسكريه كنت تاخذ مكافاه حول 4000 ريال
من شهر 8 الى ان يجيك الامر الملكي وانت ما ينزل لك راتب فقط مكافاة الكليه
( يعني المفروض تستلم 17000 ومكافاة الكلية 4000 .. 17000-4000 = 13000 المبلغ المتبقي لك عن كل شهر )
عادة الامر الملكي ياخذ من 5 الى 6 شهور واحيانا اكثر
يعني تجلس تقريباً 5 شهور بدون راتب وانت مداوم
فتجيك اثر رجعي اما شيك او ايداع بمستحقاتك
ولنفرض انه 13 ألف تضربه في 5 شهور = 65 الف ريال
والافضل تجلس مع ملازم اول طبيب( ثقه ) وتاخذ العلم منه
لان فيه ضباط يهايطون ويعطون معلومات مغلوطه
* بالتوفيق للجميع
وانت الحين فكر في القبول وخلها ع الله
واذا انت عندك قبول في بروقرام بمستشفى عسكري راسلني خاص
الآن مفتوح التقديم على مستشفى القوات المسلحة بجده والطائف
|