المشاركة الأصلية كتبت بواسطة reeem22

قرأت اكثر من تجربة لكثير من اصحاب المشاريع يقولون هذه السنة الدخل فيها ضعيف اضعف من السنوات السابقه
والله اعلم ان كان صدق او لا ووش الاسباب

بالنسبة لمشروعك ربما قبل سنتين كانت افكارك وماتقدمينه شي جديد على السوق لذلك كان عليه اقبال رغم ارتفاع السعر
ومع الوقت ماحاولتي تقدمين شي جديد وتطورين شغلك
لاتنسين ان مجالك فيه موضه يعني شي يهبون الناس فيه لفترة ثم يتركونه ويهبون بشي جديد وحسب كلامك تقولين سنتين يعني وقت طويل كافي انه تطلع فيه اشياء جديدة وتقدم فيه اشياء ثانية هل تابعتي الاقبال والجديد بالمجال؟
او انه طلعوا منافسين بنفس مجالك افكارهم اكثر حداثة واجمل او افضل سعر فاستقطبوا الزباين اكثر لذلك قل الطلب عندك
او كنتي مجتهده بالاعلانات وتسوقين وبعدها قفتي فصارت الناس ماتدخل حسابك لانه غير نشيط مايطلعلهم بالبحث
او ماصرتي تنزلين صور اعمال جديدة كل فترة, الناس تظن ان حسابك موقف شغل

اسألي نفسك وش اللي كان يجذب الناس ويعلقون عليه اكثر شي ببدايتك يخليهم يشترون من عندك ؟
وادرسي الوضع الحالي هل اللي تقدمينه ينافس اللي بالسوق ؟ هل تقدمين شي الناس هابين فيه هالفترة؟ هل سعرك مناسب ؟
هل فيه منافسين يبيعون نفس اللي تبيعينه بسعر افضل؟
هل فيه خدمات مو عندك وعند غيرك يحتاجونها الناس مثلا التوصيل او الشحن المجاني
سوي عروض ومسابقات وهدايا وشوفي , نشطي حسابك وسوي اعلانات ونزلي صور جديدة كل فترة

والله يوفقك ولاتنسيني من دعواتك