المشاركة مقتبسه من العضو اخر كلام 1

الله يعافيك
ويبارك في عمرك يارب
شوف والله لو اجلس يومين ما اجي المحل اشوف كل شيء غير مرتب بسبب عدم المتابعة
اكيد تجلس على راس العامل اذا تبغى تحفظ حقك
اذا تبغى تخسر وتضيع حقك روح ريح وانتظر حتى يقولو لك مافيه زبون
يقول غازي القصيبي رحمه الله
اذا كنت تريد النجاح فثمنه الوحيد سنوات طويله من الفكر والعرق والدموع

بالنسبة لسؤالك عن الضغط علي لكي اجر المحل
اول شيء العمال انفسهم كل واحد يقول لي انا كثير تعب شغل ونفر ثاني مافيه شغل زي انا
على العموم معي عامل تعب لمدة 5 ايام مايجي الدوام لان عنده ضرسه مؤلم والعصب حق
ضرسه مايخليه ينام ورحت به المشفى وموعد بعد خمسه يوم من شان يروح التهاب العصب ويقطعوه
اشتغلت بدله في المحل
والعامل الثاني يقول انا ابغى زيه اجازة او اخصم من راتبه
قلت له بخصم من شان مايسبب لي مشكلة
وقال لي انا كثير شغل وهو مافيه شغل زي انا
المهم جلست افكر في كلامه لمدة يومين كيف احل هذه المشكلة
قلت ليه ما اسوي بينهم تدوير في الادوار
كل اسبوع شخص يمسك محل الثاني
واي شخص تجي عليه ملاحظات امسكه
وبكذا مايتحجج علي بكثرة انشغاله والشخص الثاني ماعليه ضغط
والان بدات اسوي تدوير وشفت العامل اللي يشتكي علي صار مرتاح ويؤدي الدور حقه بسرعة وهو مرتاح
بس الثوم له شخص محدد حتى الطعم مايختلف
بهارات الدجاج وتقطيعه له شخص واحد حتى الطعم يكون محدد
بالنسبة للوضع الحراق داخل الدجاج كل اسبوع شخص ويبدا من يوم الجمعة لكل شخص
وبكذا ولله الحمد حليت المشكلة
الله يسهل لك امرك