المعذرة انقطعت فترة طوييلة عن المنتدى شوف اخوي الله يفتحها عليك الشركات في القطاع الخاص كلهم الان يشترطون عليك انك ما تكمل الدراسة الا في حال كانت انتساب او عن بعد فقط و مستحييل يوافقون عليك تدرس سواء صباحي او مسائي و هذا الكلام مصدره واحد من اقرب اصدقائي في الموارد البشرية بشركة عبداللطيف جميل لكن بالنسبة اللي قدروا يوفقون بين الدراسة و العمل هو علاقتهم الشخصية بالمدراء و ايضا طبيعة عملهم المرنة انا تخصصي محركات و مركبات و بامكانكم تشوفوا مواضيعي اللي كنت اشتكي منها لين بديت الدراسة في البكلوريوس يدرس حاليا معاي 3 من موظفين شركة الكهربا في الفترة الصباحية لكن عملهم شفتات و طبيعي راح تسأل كيف وفقوا بين العمل و الدراسة ؟ انا سألتهم شخصيا و الله وقالوا بعضنا نحاول مع زملائنا في الدوام اغطي عليه و يغطي علي و طبعا السوبر فايزر عنده خبر عن طريق سيرتنا الحسنة و هو عارف ان اللي بيعتذر كفو و منضبط في عمله حتى لو طلبوا منه يداوم 12 الليل او 3 الفجر يكون متواجد و شخص ثاني يقول انا ما قدرت اضبط وضعي مع المدير لكني مخربها في الكلية ما اداوم الا 4 ساعات بالكثير يعني احاول احضر المواد اللي اقدر عليها والبقية احاول احذفها من بداية الترم و ادا ما قدرت انحرم منها و لعلها خيره يمكن اذا اخذتها بعدين اجيب فيها درجة احسن من اللي كنت بجيبها و انا مكرووف
فكل واحد يحاول يزبط وضعه اول ما تنزل الجداول... اما بالنسبة ادا سألت عن اماكن يعطونك تفريغ و يبتعثونك داخلي او خارجي تكمل دراسة فاللي اعرفهم الصراحة بس المؤسسة العسكرية للصناعات الحربية لاني اتعرفت على واحد قال يرشحون بعض الموظفين ويرسلونهم يكملون البكلوريوس و الماجستير سواء هنا في الجامعات او كليات التقنية او برره لكن انت اسأل لان كل قطاع له سياسة في الابتعاث و الايفاد هذا اسم البرنامج اكتب عنه في قوقل وشوف وش القطاعات اللي يخلونك تكمل على حسابهم والله يوفق الجميع