ببساطة وبلا مقدمات ..

الموظف نوعين :

موظف طموح يتمنى مناصب عالية .. وموظف يبغى راتب يمشّي وضعه وهو مرتاح

..


طبيعة البنك بما اني صاحب تجربة ...

ان كنت ( وسيع صدر ) وفي نفس الوقت ( مركّز ) في عملك .. البنك افضل 100 مره من الحكومي ..
وإن كنت العكس تبحث عن دوام روتيني 6 ساعات بـ 8 الاف او 9 عليك بالمدنية ..


انت بنفسك من تحدد وجهتك .. محد يفرض عليك شيء ماتبغيه ..

الشركات بشكل عام فيها ( عمل ) وساعات اضافيه لكن ( حاشمينك ) سواء من راتب
او من زيادات او من تسلسل في المناصب ..

هذا غير التأمين الطبي اللي ماتحصله في اي وظيفة حكومية الا نادرا وبشروط معقّدة ..

شركات كثيرة ناجحة مثل ارامكو سابك الكهرباء الاتصالات

جميع هالشركات تقدّر اصحاب المؤهلات العاليه وتعرف اين تضعهم ..


الموظف الحكومي يتدرج على مراتب معيّنه وبعمل روتيني ممل لا يكسبك خبره ولا تكسب مهارات جديده فيه


هذا اللي عندي و اسف ع الاطالة