خلاص دام جاك القبول مستحيل يردوك او شيء زي كذا ان شاء الله
بالنسبة لنموذج البنك عادي كله يمشي الخاص بالكلية أو الخاص بالبنك
*****
ارفعوا اللياقة ي شباب نصيحة لكم عشان لاتتعب وتجلس تكحكح شهر أو منوم بالعيادة عشان اصابة تجلوس شهور فيها
استمتعوا بكل لحظة بالكلية تراها متعة ومرة فالعمر,, صح نفسية وضغط ترا بس اول اسبوعين بعدين عيشها بكل مافيها
خلي صدرك وسيع
***
الخمس واربعين ممكن هو اصعب شيء تقابله بحياتك
نظام وروتين وشيء جديد كلياً...اللي مسهل الوضع انها 1200 طالب كلهم نفس وضعك,محد أحسن منك
وصدقني من اول كم يوم تتأقلم
**
بتقابل كل أنواع البشر : النفسية والفلاوي والحرامي والغني والمتواضع والمطوع والمهايطي كل شيء بتقابله
اخوياك بتعيش معهم ع المرة والحلوة وبتكون اجمل ذكريات.
**
يبدأ التعليم بعد ثلاث اسبوع وتبدأ الراحة والنوووم في القاعة هههههههههههه انتبهوا من الحجوزات
وتذكر انه اول مايبدأ التعليم تنفرط السبحة وتنتهي الكلية.
**
خذ معاك أغراض حق سنة كاملة ممكن تحتاج بعد الاستجداد
بنادول وابروفين لاتنساهم , نيفيا هههههههه خذ لصقات , ملابس داخلية 6 حلوة وتغسل هناك بعد الخمس واربعين تضبط وضعك
**
ابتعدوا عن وجع الرأس "القديم والعرفاء" ماتجيب لك غير المصايب
انتبه بعد الاستجداد تغرد بتويتر!! باي شيء يخص الكلية
**
اخر كلمة الوضع سهااااااالات
واستمتعوا بالتجربة