شباب الله يمسيكم بالخير
مادامك سويت المقابله لاعاد ترجع للموقع خلاص انتظر رساله ع جوالك فقط

اختبار نسخ حسب ما فهمت ان جميع من اختبار تجي هالكلمه ع الموقع

بالنسبنة للوظائف متوقفه ماعادا الوظائف السابقه قبل القرارات اللي تمت فيها الاختبارات والمقابلات ونزلت منها دفعات
والى الان تزل منها دفعات لانها قبل القرارات جميع اجرائتها

والحمدلله الدنيا بخير وسعو صدروكم و ان شالله بعد القرارات يفتح الله لنا ولكم نصيب
لكن يا اخوان لاحد يحط كل اماله في هالوظيفه
يقولون الاولين اذا صرت جمال واعد عشره

يعني ابحثو عن وظائف ولا تتمسكون بوظيفه مو اكيده انها تجي او لا
لذلك خلو نفسكم طويل ووسعو صدوركم و الرزق ع الله سبحانه


انا عام 1430 قدمت بالثانوي ع وزراة العدل و تعينت في عام 1433 في نفس المسابقه و لكن في اخر دفعه

لدرجة اني شلت الوظيفه من راسي وقلت خلاص هذولا نسونا ورحت ابحث عن وظائف و اكلم لي ناس و معارف و مدري ايش ولا حصل شي و لكن نزلو اول دفعه كان في عام 1431 عدد حول 1400موظف
والدفعه الثاني في نفس السنه وكان عدد تقريبا 1000موظف تقريبا شهر 11

وبعذري اذا شلتها من راسي لاني شفت عدد المقبولين كثير ولا عينت اسمي معاهم وبصراحه حزنت كثير
ودفعتي كانت 400 موظف او اقل عام 1433
ويعلم الله ما عندي واسطه و حتى شهادتي الثانويه مقبول بنسبة 68 و الرزق جاني وتعينت في منطقتي كمان وعسى الله يوسع لي ويوسع لكم في رزقكم وحياتكم

اذكر جاتني رساله القبول وانا نايم بعد العصر و صحيت ع صوت الجوال وافتح الرساله وادقق واقول هو علم ولا حلم (تم قبولك للوظيفه نتمنا مراجعة فرع الوزارة لاكمال مسوغات تعيينك ) وارجع البس نظاراتي و اناظرها ماش ما صدقت ونادي اخوي اقول اقرا تكفى

وبعد الرساله من بكره رحت للفرع و اخلص اوراقي وافحص في المستشفى و شهرين يا بعدي كلموني وجيت باشرت
يعني زيادة على ثلاث سنوات شهرين

هذولا انتم مجرد 4 شهور و تضايقتم
فلوها ياناس وقبل كل شي عليكم بطاعة الله سبحانه والاستقامه وكثرت الاستغفار