المشاركة الأصلية كتبت بواسطة hsayf

-

كلامك عين الصواب اخ متعب ..
يا اخوان من يرفض الوظائف لأجل وظيفة مخطأ ..
لحد يقول مافي وظائف ..
قسم بالله اني قاعد شهرين واكثر وانا من الساعه 7
الى الساعه 3 ادور وظيفة وما خليت مكان في الرياض ماجيته
لدرجة حتى المؤسسات اللي في ورش واثاث جنوب الرياض جيتهم وحذفت ملفي ..
-

كان عندي قناعه ان الله معي وماراح يروح تعبي على الفاضي ..
ولله الحمد انقبلت في شركه مشغله لـ stc وخلال سنه ترسّمت والان مدير فرع بغرب الرياض

-


قبل سنه من الان كنت عاطل مسجل في السعوده وراضي بـ الفين ريال ومن استراحه ل استراحه ومن سفريه في سفريه على حساب الوالد لكن في ليلة من الليال وتحديدا بعد صلاة الفجر وانا راجع من الاستراحه
شفت الناس صاحين واللي يدفي موتره واللي يروح للجامعه واللي يروح لشركته واللي عسكري ..الخ
فكرت لحظه هل ذولا كلهم جتهم وظائف وهم يتسدحون فالاستراحات ؟
كنت توي مصلي الفجر ورحت وصليت ركعتين واستخرت وطلبت ربي يعينني على ما عزمت عليه
وفعلا من ثالث يوم بدأت ابحث بحث جاد مش بحث مواقع واكلم الجماعه يتوسطون .. قمت ابحث انا بنفسي
لان محد يحس فيك وكل الناس يحسبونك اذا كنت وسيع صدر وتطقطق انك بلا هم ..
والحمد لله الان حالتي ممتازه وراتبي كويس واعيّش نفسي واعيّش اسره معي .. ومع ذلك لازال عندي طموح وبكمل ماجستير .. ومقدم على وظائف اخرى من ضمنها هالوظيفه اللي اختبرت معكم في 11/11هجريا ..

لذلك يا اخوان عليكم بالتفكّر اولا في حالتكم ووضعكم وهل انتم فعلا قادرين على البحث عن وظيفه والا تدور يومين وتطفش وترجع على نفس موّالك ؟ ..


الله يوفقنا وياكم ويحقق لنا امانينا وامانيكم ..


تحياتي