للحزن بصدري ساحات مثل ساحات القتال
فيها الاصيل من المهار تعود بخيالها

ولايطفـــي حر مابي من حرايق واشتعال
الا دموع من عينـــــي تهل هلالــــــــها

مايزال فيها دمعتين من فـراق ولاتزال
ذكرى هنوف كل يوم احطهـــا واشتالهـا

راحـت عسى الله مايلحقني مشاريه الرجـال
كنـي ماخلقت من التـراب الا لهــــا

عز الله اني ما نسيت افعالها بنت الحلال
ياعسى ربي ما يجازيها بسوءافعالهـا

اكبر جريمه ترتكبها في الهوى من وسع بال
وجـروحها بصدري شـيدو تمثالهـا

شلون تهجرني ونا مالي على الهجر احتمال
شلون تهملني وانا مااطيق اهمالها

شلون تقطعني بسيف البعد قطاع الوصال
وانا لو اقطع عرق قلبي ما قطعت وصالها

شلون ما تشتاق؟ماترحـم؟ماتـذكر؟ما تسـال
شلـون ماتطلق يدين كبلـت بـأغلالهــا

مكسور خاطرواعوذ بلله من ذل السؤال
يوم انتضر من برج هاتفهايبث ارسالهـــا

لكــن مال الادمي حيلــه لامن الحــظ مـال
الليله اللي فـال ربي خيـر مــن فـالهـــــا

هي فقدتنــي من هنا وانا فقدت الاتصال
من يوم راحـت لارسايلهــا ولا جــوالهــــا

يا الله دخيلك من تردي نصيب وشين فال
من حيلة امري ليت عندي حيله واحتالها

ان رخصت قدري وطاحت قيمتي والهجر طال
قولولهاتتــرك مكابرها وتاخذ بالهـــا

لأني فوق فوق وهاي هاي وعال العــال
تركد ويركد معاها عمهــاويركـد خالهـــــا

بحفض لها قيمة غلاهاوانتضرها من شمـال
واذا نستنــي هـذي الدنيا وهذا حالهــا

ولا نسيتها الله ينساني لانسيت ذاك القبال
يا صب روحي صب دلتها على فنجالهـــا

قولــوها لاستخسرت فيني ريالين اتصال
تهـدي على جمعية الصـم والبكـم جوالها