يا رجال بوس يدك وجه وقفا

انا خريج كيمياء درست جامعه 6 سنين ومعدلي مقبول

ولم اجتز قياس وحاولت مراراً وتكراراً آخذ دبلوم تربوي أو دبلوم صحي ورفضوني بسبب معدلي

والآن جالس فالبيت أشتغلت في 5 مؤسسات ولمدة 3 سنوات من عهد الجامعة إلى ما قبل 3 شهور خلص مشروع الشركة الأخيره وسرحوني

والآن استلم 2000 من برنامج ساند

وعندي سيارة كل ما اصلحها مايجي نهاية الشهر إلا وفيها مشكلة آخرتها أمس كنت بورشة

ابغى وظيفه حتى لو ب 5000 لكن ماني محصل كلها ب 3000 وما توصل 4 الآف

والآن أفكر أروح أقدم على المدارس الأهلية وعندي مجموعة مدارس مسجل عناوينها وهي المجال الوحيد اللي باقي ما قدمت عليه

لكن للأمانه مرتاح وشغال ادور وما عجزت وكل اسبوع اخطط لشي جديد وأختار شركات أروح اقدم عليها

والحمد لله اسبوعياً تلقاني مقدم على اكثر من وظيفه والله يكتب لنا ولك كل خير

نصحيتي لك أرفع من معنويات نفسك ولا تنظر للناس اللي أفضل منك أنظر للي تحت وأحمد الله على نعمه

وإذا انت في مدينة مثل جدة أو الرياض في برامج تسجل فيها وتكون تكسي بسيارتك الخاصة تتواصل مع زباين توصلهم أفضل من الربطة بالدوام تاخذلك كم زبون وخلاص

عموماً شد حيلك الآن فالتروبي وغيرك يحلم فيه حاول تطلع بمعدل ممتاز

والله يوفقنا وياك ولازم تقوي عزيمتك وتنتصر على مصاعب الحياة خلك جبل لا يهزك ريح