المشاركة الأصلية كتبت بواسطة inspirit

اخيرا يوجد من تفكيره زي تفكيري
اخوي---ابغى اسأل السؤال المهم ليش وزارة العمل والمسؤولين عن شباب دولتنا وضياع احلامهم ليش مايشوفون اللي انا وانت و شباب البلد العاطلين شايفينه؟!!!
الجواب : لان اكثر اللي يشتغلون في الوزارات و غيرها من مناصب الحل والربط في مجال التوظيف كلهم تجار وبما انهم تجار لديهم اعمال ومؤسسات و مصالح خادمهم فيها وجود الأجنبي و مايبغون تظهر قرارات تقصم ظهورهم لأن المنصب مو مضمون اما تجارتهم بتقعد لهم فلازم يسلكون امورهم..الطامة الكبرى انهم يوصلون الصورة غلط لولاة الامر بالدولة و معطينهم انطباع ان نسبة معقولة من الشباب متوظفين و قاعدين يعززون للبوابة الوطنية للعمل و هدف وطاقات وغيرها من المشاريع اللي على فكرة يشتغل فيها الاف الاجانب من دراء و مخططين و مدربين و مهندسين شبكات و و وعشان كذا بيصدر قرار البطاقة الخضراء الجديد اللي يسمح للمقيم يشتغل بدون كفيل زيه زي السعودي!
للاسف كان مقدار الاقبال على بوابة التوظيف الوطنية كبير لكن تحطمت امال الشباب بعدم توظيفهم رغم اكمالهم التدريبات اللازمة و البقاء في البرامج التابعة للبوابة الوطنية لشهور...... المصيبة الاعظم ان حتى اللي ماسكين العمل في مراكز طاقات وهدف صندوق التنمية هم عيال نعمة مو دارين وين الله حاطهم و الدليل اني لما اسال المدرب اللي يعطيني دورات البحث عالمواقع وكتابة السي في و مهارات المقابلة اقول ايش تخصصك يقول لي لغة عربية و مسؤول التوظيف تخصصه انقلش واللي جنبه دراسات اسلامية و كلهم متخرجين قريب!!!! وين.؟؟؟؟ المفروض يكونون تخصص ادارة موارد بشرية او مدربين معتمدين مو عيال واسطه من نفس المنطقة...الخاتمة يرشح اللي شهادته رياضيات كحارس امن و يعرض وظيفة معقب حكومي على واحد تخصصه تقنية معلومات.....صندوق التنمية كم مرة اروح القى المبنى فاضي لايوجد الا حارس الامن وواحد قاعد متكي يلعب على جواله في مكتبه وكل ماقلت ابغى اسال عن الوظايف يقول مو شغلنا روح طاقات وطاقات يقولون لايوجد شي حاليا يناسب مؤهلك!!!!!! طب ادخل البوابة الوطنية القى احصائيات توظيف بالهبل كأنهم موظفين 500 شخص هالشهر من منطقتي بس ... لمتى و احنا كذا........ياناس احنا ندور في حلقة مفرغة خطيرة من الكذب وادعاء تحسن الاحوال و توظيف الشباب اللي يستغل الوضع هذا هم رجال الاعمال و التجار و الاجانب اللي قد الواحد يجاكر ويهايط حتى وهو يسوق بالشارع لقو البلد فلتان و من امن العقوبة اساء الادب.
متى بنرفع راسنا في بلدنا و بنعيش مضمونين الكرامات ام انه لازم اشحت من مكتب العمل الى هيئة النزاعات الى التامينات الى الضمان الى طاقات لحد ما احصل على وظيفة مناسبة؟ مع العلم اني لازلت ماطلعت من الطامة اللي وقعت نفسي فيها مع الوظيفة اللي تورطت معهم ..............الله يفرجها بس دخل 2017 و احنا لازلنا عاطلين ولا حياة لمن ينادي