السلام عليكم
أنا مثلك بالضبط نفس المشكله. لكن اليوم الحمدلله ضبط معاي وسجلت. شوفي هذه الطريقة وإن شاء الله تساعدك وتساعد أي أحد يوجه نفس المشكله.
بالأول كنت بعد ما ادخل على حسابي اضغط على الوظائف واقدم وكان الموقع شوي يضبط وارفع الملفات بعدين فجأه يطلع لي خطأ بالصفحة. عشان كذا أنا حملت الملفات وعبيت البيانات قبل التقديم على الوظيفة. تقدرين تسوين هذي الخطوة لما تدخلين على حسابك اضغطي “الحساب الخاص بي” في هذه الصفحة عبي ارقام الهاتف وبعدين اضغطي حفظ.. عبي العنوان وبعدين اضغطي حفظ..ارفعي الملف الاول واضغطي حفظ.. بالمختصر كل معلومة تعبينها أو ملف ترفعينه اضغطي حفظ..
اعرف أن هذه الطريقة متعبه وطويلة بس عشان تتأكدين أن الموقع حفظ لك كل مستنداتك وبياناتك قبل ما يقطع ويطلع خطأ بالصفحة (أنا مره طولت وأنا اسوي هذي الخطوة بس المهم أنه حفظ كل شيء عبيته ورفعته)..الخطوة الي بعدها ضغطت على الوظائف وعلى بحث متقدم واخترت الوظيفه واخترت تقدم الان.. لما فتحت الصفحة لقيت كل بياناتي ومستنداتي موجودة بس ضغطت التالي واعبي اشياء قليلة وبسرعة الى ان وصلت للاخير وضغطت على انهاء وارسل الحمدلله.

اسفه طولت عليك بس ان شاء الله كان مفهوم. وانا موجودة اذا عندك اي استفسار.
على فكرة لاحظت ان الوقت من ١٠ الصباح الى ١٢ الظهر الموقع يشتغل احسن وما يقطع الا قليل (ارسلت طلبي في هذه الفتره).

الله يوفقنا جميعنا ويكتب لنا الي فيه الخير.