شكرا للجميع على التفاعل

آخر المستجدات:

- ارسلوا لي ايميل رسمي يفاد فيه انه سيتم نقل مقر مهنتي الى الرياض بدون تغييرات في الراتب وفي حالة عدم استطاعتي فهم مجبرون للتخلي عني مع تعويض وذكروا لي تفاصيل التعويض وكم الاجمالي..

قيمة التعويض ممتازه وراح تغطي اقساط القرض المتبقيه الحمد لله .. بالتالي رديت عليهم بايميل رسمي انه ما اقدر انقل للرياض لاسباب عائلية وذكرت قبولي لعرضهم بالتعويض المذكور ادناه لانكم انهيتم عقدي ..

اخر يوم عمل لي 28 فبراير يعني الاسبوع القادم بس يشيلوني من التأمينات الاجتماعية بقدم على ساند الى ان احصل على عمل افضل ان شاء الله ..

المضحك في الموضوع امرين ..

الأول: اني كنت مبيته النيه لعدم تجديد عقدي معاهم مع اشعارهم قبل انتهاء العقد ب 60 يوم لكن سبقوني وقالوا يالله يا هنا يا تنقلين الرياض يا ننهي العقد ونعوضك ..

الثاني: ان الموظف الاجنبي اللي تواصل معي بخصوص التعويض مقره خارج السعوديه والظاهر انه ما عنده إلمام كافي عن نظام العمل السعودي فحسبها باستعجال لأن المسؤول عن حسبة هالامور في مكتب السعودية ماخذ اجازه وعند عودته تواصل معي لتوضيح الامور وقال المفروض تكون اقل لانه حسب لك نهاية خدمة حقت سنتين وانتي ما كملتي سنتين فقلت له مو مشكلتي هو ارسل ايميل رسمي بالاجمالي وانا وافقت عليه الغلطه ذي حاسبوه عليها قال خلاص دامه ارسل لك هالتفاصيل ووافقتي ما نقدر نتصرف

ما اقول الا الحمد لله وعلى نياتكم ترزقون