اقتباس:
المشاركة الأصلية كتبت بواسطة ولد آبوي
السلام عليكم ورحمة الله وبركاته
أسعد الله صباحكم بكل خير ومودة ..
أنا سجّلت في المنتدى بس عشان هالموضوع .. وإن شاء الله إني أفيد وأستفيد منه 
بتكلم عن أكثر من نقطة بدون ترتيب .. وإن شاء الله إنها تكون جواب لأسألة البعض ..
أنا دخلت اختبار لوظيفة اخصائي شبكات قبل 8 شهور تقريبا .. والطريقة كانت كالتالي :
اختبار انقليزي : بالنسبة لي أنا سهل جداً لأني درست انقليزي برا السعودية , لكن بعد ما شفت اصحابي اكتشفت ان الاختبار ممكن يكون مستواه صعب شوي للي ماعندي انقليزي.
اختبار التخصص : بالنسبة لي , كان جدا جدا جدا صعب .
بعد اختبار التخصص , يقولون لك اسماء المقبولين راح نعلّقها على الأبواب الساعة 1 الظهر .
واللي يطلع اسمه يتوجّه للمستشفى عشان المقابلات الشخصية .
طبعا إحنا كنّا حدود 80 رجال اللي دخلوا الاختبار من تخصصات متفرقة .. والمقبولين مايتعدون ال 15 رجال .. وباقي قدامهم فرز بعد المقابلات الشخصية.
يعني .. اللي بيحجز يحجز ذهاب على اليوم اللي قبل الاختبار , ويستاجر شقة وسيارة .. ويروح الصبح ويخلص اموره .. وفي أسوأ الحالات راح تكون مخلّص تقريبا على المغرب .. فـ أفضل إنك تحجز عودة في نفس يوم الاختبار على آخر المساء .
وبالنسبة للي تجيهم الرسايل على الجوال وماتجيهم على الأيميلات , أنا أنصحك إنك تتأكد من البريد الغير هام ( Junk Mail ) .
وبالنسبة للي يشوف الوظايف تروح وتجي ومايجيه أي رسالة .. أنا أنصحك إنك تحدّث ملفك في صفحة الهيئة بإستمرار , وتتابع الوظايف وتقدّم على الوظيفة المناسبة لتخصصك , ولمن تقدّم بيجيك رقم تقديم .. كذا معناه أن تقديمك في السمبتيك .. 
وبالنسبة للي يسأل عن الهيئة ومميزاتها .. من خبرتي البسيطة .. أنا أشوف الهيئة الملكية وظيفة حكومية مثلها مثل أي دائرة حكومية أو وزارة , لها سلم رواتبها ولها مميزاتها اللتي لا تختلف بشكل جوهري مع الدوائر الأخرى .
ولكن , الوظيفة في الهيئة الملكية يميزها المدينة التي سوف يكون معاشك فيها , حيث لا يخفى عليكم سمعة مدينة الجبيل الصناعية وينبع الصناعية .
والميزة الأخرى , واللي أنا أشوف أنها ميزة رهيبة , إنهم يسلّمون الموظفين بيوت , بمشروع تعاوني . ( وليس ربحي مثل الشركات ! ).
الميزة الثالة , بالنسبة لي , أنا أشوف إن بيئة العمل في الهيئة الملكية , بيئة جداً مريحة , وتكاملية , وتعاونية .
أخيراً , أقول لنفسي وللكل .. قدّم حتى لو الخبرة ماهي منطبقة 100% . محد يدري كيف يجي نصيبه ..
وما تدري أصلاً وش بيقابلك قدامك .. وفي كل الأحوال : إنت منت خسران , أقل شئ تعلمت كيف طريقة الاختبارات وتعلمت وش تحتاج في الاختبارات اللي بعدها . وأيضاً هذي المقابلات والاختبارات اللي تروح لها ( تجمّد قلبك ) وتخلّي رهبة الوظايف والاختبارات تروح منك . فـ تصير بطل مقدام .
أنا من سكان مدينة الجبيل الصناعية , وأشتغل مقاول مع الهيئة الملكية في الجبيل . وأطمح إني أكون رسمي ( موظف هيئة ملكية ) , عشان الراحة والأمان الوظيفي , والبيت أهم شئ .
مع إنه راتبي ومميزاتي مع المقاول أفضل بمراحل , لكن شعور عدم الاستقرار الوظيفي مثل الكابوس .
والآن عندي اختبار يوم الاربعاء القادم , على وظيفة أخصائي نظم بوابة إلكترونية , تبع الخدمات الصحية .
أسال الله العظيم رب العرش الكريم , أن يرزقني و من يقرأ الخيرة الطيبة في الوظيفة , وأن يرزقنا الرضا بقضائه , وأن يرزقنا البركة.
واللي عاوز يسأل عن حاقه .. حاضرين للطيبين .. |
يعطيك العافيه على الرد الكافي و الوافي ....
انا مقدم على وظيفة أخصائي الدعم الفني للانظمة و الشبكات .. وان شاء الله المقابله يوم الاربعاء القادم
بحكم تجربتك السابقة عندي كذا استفسار بخصوص الوظيفة اذا عندك خلفيه عنها
1/ هل موظفي ( الخدمات الصحيه , التشغيل الذاتي ) يشملهم تملك الاسكان في الهيئه.
2/ هل يتبعون سلم رواتب الهيئة او تكون مبنيه على الخبره و المقابله لان عندي 4 سنوات خبره بنفس المجال ومازلت على رأس العمل !! و كم الراتب المتوقع ؟
3/ بالنسبه لبيئة العمل هل هيا بيئة جيده ممكن يتطور الموظف فيها من خلال الدورات وورش العمل او مكانك سر ؟
تحياتي