حلو يكون عندك مهله 6 شهور بدون ايجار

اجل توكل على وسم بالرحمن وخذه وزبطه حبه حبه من دخل المحل بدون ما تاخذ قروض لان القروض تكسر الظهر كسر

دخل المحل للتوسيع فقط وليس من ضمنها صرفيات البضايع ورواتب العمال _ مقصدي ان عندك مبلغ احتياطي تقدر تعوض المصروفات الي صرفتها لتاسيس الموقع

المبلغ الاحتياطي حاول انك تصرفه فقط في بضايع المحل ورواتب العمال واسلزاماته من كهربا وغيرها

والقروض اشرد منها ما يجيك منها الا شي يكسر الظهر ويلحقك الدين 3 سنوات واكثر

قوم حبه حبه وش وراك مستعجل

طبعا الكلام الي فوق راح نستنتج منه التالي

خلال 6 شهور من العقد انك ما تدفع ولا ريال

راح يكون عندك مبلغ احتياطي مبلغ وقدره

تحسن الموقع من دخل المحل كل شهر باشياء بسيطه ( عندك فتره 6 شهور يعني يمديك )

دخل المحل لا يصرف منه اي رواتب للعمال او اي استلزامات للمحل ( لان عندك مبلغ الاحتياطي الي اخذته من دخل المحل ترجعه من المبلغ الاحتياطي عن طريق الفواتير ) عشان تعرف دخل المحل


اهم شي خل عندك ستاره خارجيه مكتوب فيها قسم العوايل تحت الانشاء عشان تكون دعايتك من نفس اللوحه ( لان اللوحه راح تكون موجوده بفتره لا تقل عن شهرين )

ومثل ما قلت حاول انك قدر المستطاع ما تقرب القروض

واذا ما عندك مبلغ الاحياطي كنسل الكلام الي فوق كله

وفقك الله