لا تزعلين تضيق فيني الوسيعـه
لا تزعلين اظـن مافيـه داعـي
بيني وبينك ماتصيـر القطيعـه
خلي الزعل للي هواهم صناعـي
لك بالوفا يانور عينـي طبيعـه
مير ادمحى الزلات وروفي وراعي
نشري رضاك وخاطرك مانبيعـه
حبك هوى نفسي وشوفك متاعي
اشواق قلبي تندفع لـك سريعـه
وانا على شانك سريع اندفاعـي
امرك يلبيـه الخفـوق ويطيعـه
لو في حلاة النوم فزيـت واعـي
حب البشر لو تجمعينه جميعـه
حبى لك اكبر والوفـا من طباعـي