اقتباس:
المشاركة الأصلية كتبت بواسطة zeyad2
يا شباب انا بكره مقابلتي ان شاء الله في وزارة النقل في الرياض ياليت اللي سوا الاختبار والمقابله يفيدني وش صار معاه
لاهنتو وبالتوفيق للجميع
|
بقول السالفة بالتفصيل انا مقابلتي انت امس الثلاثاء على وظيفة مساعد مهندس المرتبة السابعة في البداية راح يكون فيه لسته بالاسماء يشيك على ابطاقة الاحوال بعدين توقع عند اسمك ثم تنتظر ابو نص ساعة الين يبدا الاختبار الاول ومدته 10 دقايق عبارة عن ارقام وتشوف الرقم المشابه وتجاوب وبعدها يبدا الاختبار الثاني ومدته 20 دقيقة عبارة عن مكعبات وفيه لحسة مخ بعدين يوديك صالة انتظار فيها فطور مفتوح وشاي وقهوة كذا وتقعد تستنا دورك عشان المقابلة وانت وحظك ممكن تنتظر ربع ساعة او 4 ساعات على حسب دورك. نجي للمقابلة راح يون فيه اكثر من لجنة بس اللي صار معاي اني قعدت ابو ربع ساعة سالوني عرف عن نفسك واذا عندك خبرة واسئلة مشلحينها من قوقل
وبعدين ترجع ديرتك ويقولك راح يجيك ايميل خلال اسبوع وسلامتك.