اقتباس:
المشاركة الأصلية كتبت بواسطة بقيلي
يا مرحبا والله بلآخ طالب تقناوي
انا اشهد انك رجال ينشد فيك الظهر وهذي سلمه على خشمك تستاهل
البقية نفسي يا نفسي وانت الوحيد الي تشاركنا همومنا وتقف معنا وترد على استفساراتنا
بيض الله وجهك
نبيك يا طويل العمر تعطينا تفصيل من اول يوم دخلت الدورة فترة الاستجداد من صلاه الفجر حتى ترجع تنام
وبعد ال45 يوم الاولى كيف يكون الوضع
ادعي لي انا بكرة باروح لهم وماجاني رساله على الجوال بس في الموقع باتوكل على الله وباروح دعواتكم
تحياتي وتقديري لك
|
ووجهك ابيض حبيبي ، ويعلم الله ما سويت الا الواجب ، وتراني كنت بمثل وضعك وكنت احتاج احد يرد علي وحاس فيك وتحت امرك وامر الجميع ي الغلاً ويعلم الله اني اسعد بخدمتكم . .
شف انا بكون معك صريح ف بعض الكلام ولا تفكر اني اخوفك او شي ثاني ،
كل الكلام اللي بقوله لك هذا انا اتكلم عن نفسي فقط ،
اول يوم طبيعي بيمر عليك وتحضر وينادون بسمك ويتأكدون من بياناتك وكذاً ، وبعدها تدريجياً راح يكثفون الضغط عليك ويلعبون ف نفسيتك كثير ، اول اسبوعين راح تعاني كثير من الهروله اذا م كان عندك لياقه بتتعب كثير كثير وذا عندك لياقه وضعك فالسليم ، راح تمر عليك انواع الامراض ف حياتك من كحه وسخونه ولوز وصداع والله يكرمك ويكرم القارئين كحه مع بلغم راح تستمر معك لنهاية الدوره ، حاول تاخذ معك كريمات للعضلات لانك اول 3 اسابيع راح تستعملها بأستمرار ، اذا عديت اول 3 اسابيع بعدها راح تتأقلم مع الوضع وكذاً وتبدأ حياتك العسكرية وراح تتعود عالتصليبات والجزاوات وغيرها ، وفي كلام كثير صعب اكتبه هنا ،
* اتكلم عن الجدول اليومي من الصباح للمساء ف فترة 45 الاولية بالتحديد
يصحونك عالساعه 3 تقوم تتوضا لصلاة الفجر وبعد الصلاة تنزل هروله عالميدان تاخذ 4 لفات إلى 5 لفات وبعدها تتجه للميز تفطر وبعدها ترجع للميدان ثاني مره وتبدأ عاد يعلمونك حركات عسكرية بسيطه ومهمه ف نفس الوقت مثلاً كيف تستعد الاستعداد الصحيح وكيف تكون ثابت وكيف تستريح وكيف تلف لليمن وخطوتين لليمين ولليسار وغيرها الكثير من الحركات وتدريجياً لين ما تتعلم المشاة العسكرية ، وبعد ما تخلص من الميدان تقريباً تخلص الساعه 11 الصباح وبعذها يصرفونك عالسرية تتوضأ لصلاة الظهر وتصلي ويعد الصلاة غداء وبعد الغداء تصليبه تحت الشمس لين العصر وتتوضأ لصلاة العصر وتصلي وبعد الصلاة حصه مسائية مميدان هروله وتعلم مشاة وحركات عسكرية لين قبل المغرب ويصرفونك عالسرية وتروح للكانتين ( بقاله ) وبعدها تتوضأ لصلاة المغرب تصلي وعلى الميز عشاء وبعدها تتوضأ وتصلي العشاء وبعد الصلاة يصلبونك تقريباً نصف ساعه وبعدها يقولك احلى ايعاز ف حياتك اللي هو وضع النوم خذ 
تنام تقريباً عالساعه 9 ونص وتصحى 3 الفجر وعلى هذا المنوال لين ما تتخرج التخرج النهائي ، بالنسبه للتصليبات اللي بعد الغداء تختلف من مدرب لمدرب ، البعض يريحك تحت المضلات والشجر والبعض يصلبك لين صلاة العصر ، باول اسبوعين يكثرون عليك تصليبات بدون كاب عل راسك يعني بالعربي يشمسونك ف عز الحر عالساعه 2 الظهر وكذا لمدة اسبوعين الى 3 لين ما تتعود انت وتتأقلم ومثل م قلت لك راح تمر عليك امراض نتيجة الضغط العالي عليك ولان جسمك ما تعود على الحياة العسكرية راح تعاني من اوجاع فالجسم وانفلونزا بجميع انواعها لين ما تتعود خلاص وبعد الاسبوع الثالث يصرفون لك كاب عسكري وتبدأ ترتاح شوي من حرار الشمس وفالاسبوع الرابع يبدون يصرفون لك البدله الرسمية للتدريبات بدله مموه ( جبلي ) تستمر عليها لين نهاية 45 الاوله وقبل ما تنتهي 45 الاوله يصرفون لك البدله البيضاء الرسمية للتخرج وذا خلصت 45 يوم اوليه تطلع وتروح للخياط وتقيفها عل مقاسك مضبوط لانها فالاصل ماهي عل مقاسك يصرفون لك بدله كبيره جداً ليست بمقاسك يعني مقاس موحد لجميع الطلاب عاد اللي طويل بتركب عليه كويس والي قصير مثلي كانه لابس بطانيه مثلي اول ما تخرج من 45 الاوليه خلاص تبدأ تعيش حياتك العسكرية الفعليه وتروح الـ 45 الاوليه بخيرها وشرها ، نبدأ عل 45 الثانيه اللي هي فلهه ، من اول اسبوع بروفات عسكرية مكثفه لين م تتخرج طبعاً ف اول اسبوع تسوي بروفات عرض عسكري وبعده فصول دراسيه تدرس مواد سهلهه مثل وطنيه وتربيه اسلاميه ومواد تتكلم عن الاسلحه تستمر معك الفصول الدراسيه لمدة 3 اسابيع بترتاح خلالها راح ماهي طبيعيه يعني كلها بتروح نوم وجزاوات اذا خلصت اول 3 اسابيع من الفصول تدخل عالاسبوع الرابع وبيكون عندك مشروع سلاح يعلمونك كيف ترمي بالجثري والمسدس وبعدها بـ 3 اسابيع ان شاء الله التخرج
تذكر انك راح تنفس اول 3 اسابيع لين ما يوسوس لك الشيطان انك تقدم تنازل لكن اصمل بس ومثل م قلت لك راح تنفس كثير من الامراض والاوجاع ، لكن عليك بالصبر وحاول تتعرف عل الشباب اللي معك عشان م تطفش وتمشي الايام والله بسرعه ، وبعدها راح تتعود طبيعي عل الجزاوات تدريجياً وخذ نصيحة من اخوك ( امش كويس يحتار عدوك فيك ) لا تحاول تبزوط ولكن راح تتجازا جزاء جماعي وخذ القاعدة ذي فالعسكرية ( الخير يخص والشر يعم ) يعني خويك يبزوط راح تتجازون جزاء جماعي ونت مالك ذنب ، بس ذي العسكرية وش تسوي عاد ، 3 اشياء لك فالعسكرية فقط ، دينك مالك عرضك فقط ذي لك والباقي لي يعني يدقكك دق لين ما تقول الله اكبر
المعذره اني طولت فالكلام وان شاء الله انك فهمت علي واعتذر عن اي خطأ كتابي صدر مني
، واي سؤال انا تحت امرك ، وفالك التوفيق يالغلا وعطني العلم بكره اذا رحت لهم وموفق دائما ودربك خضر