اقتباس:
المشاركة الأصلية كتبت بواسطة بقيلي
اخي القدير طالب تقناوي
عزيزي انا مقدم على برنامج الابتعاث للفنيين وشهادتي كليه تقنية
سؤالي دوورة المبتعثين بعد ما يخلص الفرد الاساسي الاربع شهور كم يجلس يدرس حتى يبتعثونه وكم الراتب بعد الفرد الاساسي يعني ياخذ مكافئه او ياخذ راتب سواء قبل الابتعاث او بعدة وكم هي مدة الابتعاث وكم هي المكافئة وكم هو الراتب
سمعت ان الي يرسب يطردونه ويخلونه يدفع كل التكاليف صحيح ذا الكلام
اتمنى ان تجاوبني وبشرح مفصل
تصدق اني انتظر اجابتك لاحدد اكمل او لا
لان فيه ناس تقول تاخذ بس مكافئه ما فيه راتب الين تخلص الابتعاث يعني سنتين بمكافئة
ياليت تكتب لي بالتفصيل عن هذا الموضوع
تحياتي
|
اهلاً بك ي غالي . .
الدراسة في المعهد تختلف من شخص لآخر يعني على قدر اجتهادك تخلص بدري يرفعون اوراقك للبعثه يعني البعض ياخذ سته شهور والبعض سبعه شهور الى 9 شهور ، خلال دراستك فالمعهد تستلم مكافئة فقط 900 ريال وبعد ما تبتعث اللي سمعته انا من الاشخاص ان خلال دراستك بالخارج يصرفون لك راتبين داخل السعودية وخارج السعودية ، راتب اساسي فالسعودية ومكافئة بالخارج اعتقد 2500 دولاًر عل حسب ما سمعت ي غالي ومني متأكد من المعلومه ، بعد ما تخلص دراسه من الخارج واول ما يصدر تعيينك يصرفون لك جميع البدلات المتأخره لك ويعطونك اياها دفعه وحده ، بالنسبة للرسوب والنجاح ، اختلف الكلام فيه ناس كثير ، البعض يقول اللي يرسب يفصلونه واللي يرسب ايضاً يحولون تخصصه لـ مشاة ، من وجهة نظري ان الفصل مستحيل لانك انت ماخذ دورة اساسية ومستحيل يطردونك فأتوقع يحولون تخصص والفصل بيكون اخر الحلول اذا مخالفاتك كثرت داخل المعهد من غيابات ومشاكل فالفصل بيكون مصيرك ، بالنسبة للمعهد فيه شده شوي وفيه مساعده برضه ، بشرط انك تساعد نفسك وتشد وتحسسهم انك شاد نفسك هم برضه ما راح يقصرون معك صدقني ويدفونك لان البحرية الان سلطت الضوء عالفنيين وتدريبهم على صيانة الطيران والسفن وغيرها . .
هذا اللي اقدر افيدك فيه وبالتوفيق ي غالي