السلام عليكم ورحمة الله وبركاته ..
حابة افيدكم قد ماقدر وقررت اكتب هالرد اسال الله ان ينفعنا واياكم ..
طبعًا بحكم تجربتي ماعديته من أول مره .. طبيعي جدًا لا ترتبك وتوكل ع الله ومن ثاني مره عادي اتوقع بكل سنه لك 3 محاولات -اظن -

فيه نقاط مهمة واسئله تتكرر بحاول اجاوبها ومابي الا دعاكم .. مثلا :

المشاركه اللي تسبقني يسأل عن التقديم بالاختبار .. طبعًا هذي خطوة أولى في اللي حاب يتقدم على وظائف الحرس ..

اول كان يشتغل موقعهم لتسجيل جربوا ادخلوه الحين ماعرف اذا يشتغل اول لا في قسم الوظايف بعدين تسويلك ملف مو مهم تعبيه كامل عشان بس تاخذ (رقم طلب) هذا مهم وراح تستخدمه بعدين ..

في حال سجلت راح توصلك رسالة وبعدها رسالة يحددون لك اختبار مبدئي راح اتكلم عنه بعد شوي ..
طيب .. في حال ماضبط الموقع او شي .. هذا رقمهم اتصلوا واستفسروا :
0118011111
^ هذا فرع الرياض .. بالنسبة للي هم في جدة والاحساء يبحثون بقوقل اتوقع نفس الرقم بتغير المفتاح اللي في البداية ..

متعاونين وراح يجاوبونكم ع اسئلتكم .. استفسروا كيف نختبر لغة ..

----

خلصنا اول خطوة وتحدد الاختبار المبدئي .. هو مكون من 10 اسئلة ابسط من الاختبار اللي بعده وطبيعته اختيارات حتى الثاني .. في حال اجتزته راح تنتقل للخطوة اللي بعدها وهي تحديد الاختبار ابو 100 ..


-------

الاختبار الاساسي ابو 100 مكون من 4 اقسام : (ريدينق ، لسننق ،فوكاب، وقرامر)

فهالاختبار مهم جدًا تحدد لك خطة -يعني فترة تذاكر فيها قبل-
والاهم تذاكر لنفسك برضو القرامر حتى لو ماعديت بتستفيد منها وبتعدي بالمرات الاخرى .. طيب ايش الخطوات اللي تساعدني اعديه بإذن الله؟
اولا توكل على الله والراحة النفسية .. لاترتبك ابدًا . مع انه لابد منه بس حاول قد ماتقدر تريح نفسيتك ..

ثانيا واشوفها خطوووة مهم جدًا ، تراجع اسئلة اللي قبل تشوف وتتدرب عليها وتعرف طريقتهم بالاسئلة اكيد راح يكون فيه تغيير بسيط ولكن حاول تضمن الريدنق .. والفوكاب جمع من النماذج قد ماتقدر ومصدري كان هالموضوع الله يوفقك ويسعد كل من كتب هنا للافادة بالرغم من انه خلص الاختبار .. بس لازال يساعد .. شكرا لكم

ثالثا فيه كثير مواقع تعرض لك اسئلة وانت تحلها وشروحات بتحصل كثير بالنت تدرب عليها بس لاتشتت نفسك اختار لك مصدرين او مصدر يكون شامل لكل المهارات ..

بالتوفيق جميعًا لي ولكم ..
لاتنسوني من صالح دعائكم لي ولوالدي ..