اقتباس:
المشاركة الأصلية كتبت بواسطة عبدالله الرتيبان
وعليكم السلام ورحمة الله وبركاته
الان موسم الرطب , وعليك تصلي صلاة الفجر في حلقة الخضار وتحضر مزاد الرطب بعد صلاة الفجر وتزاود وتشتري مع الناس ( او اول يوم احضر السوق وخلك متفرج وشوف انواع الرطب وكم الاسعار وطريقة البيع وخذ خلفيه )
وبما انك جديد على الشغله فانا انصحك ماتشتري كميات كبيره يعني في البدايه 30 كرتون رطب تكفيك
والرطب يعتمد على سرعة التصريف عشان مايخرب عندك
وافضل انواع الرطب ( السكري + روثانا المدينة + نبوت السيف + الاخلاص )
وعليك بأختيار الرطب اللي ماهو مستوي يعني ماهو ناضج او يكون مناصيف يعني نص استوى
لان اللي ماهو ناضج اذا جلس عندك يوم او يومين بيصير مناصيف وجاهز للاكل
اول يوم تبيع المناصيف ( اللي هي نص استوى )
ثاني يوم تبيع اللي مابعد استوت وبتلقاها بالتدريج بدت تستوي وتصير مناصيف
واذا ما تصرف عندك شي باليوم الاول لازم تحطه في غرفة بالبيت ويكون المكيف شغال عشان مايخرب
اما طريقة بيعه مالك الا بسطه بالشارع , اختار لك مكان حلو وفيه كثافه سكانيه
واهم شي سعر البيع يكون الدبل يعني لو شريت بسعر 15 تبيع بسعر 30 ريال
وبالتوفيق يارب |
جزاك الله خير على النصايح .وانا جربت وذهبت للحراج اللي بعد المغرب . ولاحظت المحرج ما يطالع الا في ناس معينين عند المزايدة وهم طبعا اجانب ومايمديك الا ووقف المزاد عليهم . والاهم عندي هو الزيادة اللي تزيد بعد البيع لاني مااستطيع ابسط في الشارع لان السن لك عليه . واتمنى اذا كنت في جدة ان اتشرف بمعرفتك وتواصلك ودمت بعافية