وحدات المظليين والقوات الخاصه بتفتح تسجيلها قريب عندي اسئله الله يوفق من يرد عليها بصدق



1-طولي 162 هل يمشوني فيها وخصوصا حنا بحرب ويحتاجون؟

الطول عندك مايخارج لانك ناقص 3 سم لكن انت قدم لعلى و عسى يمشونك



2-بعد التخرج وين التعيين انا ابيه بطائف من سكانها مابيها بتبوك هل بتجذني بطائف؟

ما ادري لكن المعروف في العسكريه اول سنتين او 3 تتغرب عن الديره



3-بعد ما اتخرج منها هل بيحطوني على الحد لاني ابي احارب واذا حطوني كيف نظامهم.

انت هالحين تبي ديرتك او الحد ما فهمنالك !!!!؟



4- بعد تخرج اختار تخصصي ولا هم يختارون لي وياليت تذكروني تخصصاتهم كلها.

التخصصات هم الي يعينوك عليها ماهو من كيفك



5-كيف نظام الكشف الطبي انا اصبعي مكسور بس اقدر احركه واستخدمه مكسور من يوم اني صغير هل بيشوفونها ويكشفون على الاصابع؟

هم ياخذون اشعه من عند الراس الر الحوض الاطراف ما يدققون عليه انا على كثر ما فحصت بس واحد الي دقق في الاصابع يقعد يمسك يديك و يقلبها لكن اذا قبلوك امورك ان شاء الله طيبه قليل الي يدقق



6- هل الكرف بالدوره وبعد التخرج ارتاح؟

الدوره كرف و يكدونك كد الحمير
بعد التخرج على حسب تخصصك بعض التخصصات فيه كرف والبعض ترتاح بس انت مافهمت لك تبي الطائف و تبي تحارب و تبي ترتاح في نفس الوقت !!!!! ارس لك على شي يا ولد


7- كم الراتب مع البدالات للجندي اول سمعت بعد التخرج يعطوني جندي اول وهل الضابط يتحكم فيني ويذلني ولا هو يدق لي تحيه عشان معي صاعقه.

ما شاء الله الضابط يدق لك تحيه عشان معك دورة صاعقه هههههههه
شف من اكبر رتبه الى اصغر رتبه ما احد يقدر يذلك بينك و بينه عمل انت عندك عمل المفروض تطبقه على اكمل وجهه اذا ما طبقته يقدر يجازيك يقدر يدخلك التوقف ( السجن ) لمدة اقصاها 72 ساعه اذا عليك محكوميه يقدرون يسجنونك شهر بعد و من الجزوات يطبق عليك يعني لو ما اديت عملك و تطلع من الدوام الساعه 2 الظهر يقدر يطبق عليك ساعتين او اربعه يعني تطلع على الساعه 4 او 6 غيره ما يقدر يفك فمه اذا استغل سلطته تقدر تكمل فيه الى قائدك و يدق خشمه لعلمك اذا انت رتبتك جندي اول ترا العريف يقدر يامر عليك حتى الجندي اول يقدر يامر عليك بعضهم اقدم منك في الدوره و الخدمه هذي هي العسكريه يعني لا تسوي فيها طناخه مااحد يامر علي !!!

التحيه انت تدقها للرتبه ما تدقها للضابط و عاد الضابط هو يردها لك