السلام عليكم :ـ
بين الضلوع العوج هم الزمن لاج
والقلب يلعب به نسيم الهبايب
وقت العنا لا وصلت دروسه افواج
اخذتها بالطيب والا غصايب
إن وافقت بالطيب ياكثر الانتاج
وإن عاكست نشوف منها الغلايب
وإلى بدا للعلم توثيق واخراج
كشفت من معناه كل السبايب
يفضح ظلام الليل صبحه إلى انباج
وتطلع حقايق كل مخطي وصايب
حقايق الصايب كما النور فلاج
وحقايق المخطي عليهاالنصايب
من يدعي بالعرف في كل منهاج
ينقال يارجال ويش انت جايب
ياصاحب الأفكار ماعاد يحتاج
بينت بافكارك علوم وعجايب
بنات فكرك تلتطم مثل الأمواج
وتشعب مع اهل الجيش عوص النجايب
سويت في دنياك مدخل ومخراج
وراسك من الدنيا بلاشك شايب
إن وصفوك الناس في عد هداج
تقول هذي ماعليها غرايب
لو إن دوالك فقد بث الأبراج
والبال من بعض التصانيف طايب
باب المجامل قافلينه بمزلاج
والمعرفه ماتنوخذ بالطلايب
كثر المجامل يرث إزعاج واحراج
وكثر التصنع من كبار المصايب
يتعب سليم العقل من كل هراج
ويدفع من اسبابه جمع الضرايب
---> للشاعر احمد الحمد
وسلامتكم
