السلام عليكم ورحمة الله وبركاته <<<< والله مدري وش أقول قدر الله على وكلت تبن بالحياه عندي الشايب قدم على الضمان الإجتماعي وبسبب مرض باطني فصل من العمل بسببه أيام الرواتب على 600 ريال ومن ولدت وهو بدون وظيفه وكأي طفل عشت حياه طبيعيه نسبياً والحمد لله لأن الوالد كان يعمل بأعمال لو خف المرض والحمد لله كانت ماشيه لانا كنا بالديره ومع الأيام كنت أشوف حال الموظفين وحالنا والحمد لله على كل حال على قولهم رُب ضارة نافعه .. جعلتني هذه الحاله أركز على دراستي والحمد لله توفقت .. قدمت على الكليات العسكرية ... يبون وساطه دورت أي تقديم والله لو جندي والله ما فرقت معي ..... لكن من غير فايده أبي راتب أبي وظيفه ... أي شاب سعودي يحلم أنه يتوظف ويتزوج ... أنا شايلها من قاموسي كيف أجمع مهر كيف الزواج عند بحثي عن عسكريه سمعت عن تقديم بنفس المدينه اللي تعنيت لها رغم حالتي من أجل البحث عن وظيفه قدمت وأنقبلت ووعدوني بسكن بنفس الكليه ولكن تفاجأت بهم يقولون الايجارات بألف ريال الشهر بقرب الكليه يعني المكافأة كلبوها إيجار خلصت الفلوس اللي كانت دين ورجعت أجر أذيال الغبن والله أن السكن موجود لكن وش فيهم علينا على قول أشقائنا البنقلاديشيين الله في الله في الله في الله في رجعت وقلت نسجل بأقرب كليه من البيت هذا بعد ما نقلنا للمدينه وكانت حياتنا كحياة كل مواطن سعودي كل ما جاه ريال حطه بالايجار تحملنا لأنها كلها كم سنه ونتوظف أنا وأخي اللي تعثر ببعض المواد بسبب عدم وجود سياره ...! أنا قدمت بأقرب كليه وتركت الأفضل لأنها بأيامنا كانت الوظيفه مضمونه من تدخل الكليه يعطونك رقم وظيفي ... ! درست ... مرات الأيام الحلوه لأني أستلم المكافأه وكانت مثل الراتب والحمد لله مع أني الوحيد اللي يستلم مكافأه أخوي لأن الجامعه بعيد ماكل تبن قبلي ومحروم من مواد بسبب غيابه وذلك لعدم وجود سياره وقطعوا المكافأة قرب وقت التخرج كلها كم شهر ونتعين ... ولا زلت مثل ما كنت الزواج من سابع المستحيلات تخرجنا وإذا بالوعود تصبح سراب وين الارقام الوظيفيه ... وين الوعود ... ؟؟!! إذا أكتشفنا أن أقل شي وتوظف ثلاث سنوات هذا لو درست بمدرسه أهليه .. دورنا مدراس أهليه ... طلع يبي لك واسطه ... دورنا شركات وتخصصي من أقوى التخصصات على أول ما دخلت الكليه كان الموظف أقل شي يستلم 12 ألف هذا إذا قدم بشركه أو أي بنك ... دورت شركات بنفس المدينه وجميع المملكه لم أجد إلا بمدينه والراتب 3000 ريال وهو شركه وحيده قلت حلو مشتنا المكافأة ... ما تمشينا 3 آلاف !! حسبتها صح لو أربض بالبيت أصرف مصاريف لأنها بمدينه ثانيه لو أشتغل رجل امن بسوق أحسن ...قلت أصبر صبرنا سنين لعل وعسى .. ما فييييييييييييييه وظاييييييييييييييف قدمت على البعثات وأنا لم أستطع أن أدخل معهد أنقليزي ... حسبتها طلع الواحد إذا يبي يبتعث يبي له أحد يصرف عليه لأن المكافأة ما تكفي ... لكن الحمد لله بعد الزيادة من خادم الحرمين الشريفين الله يطول عمره غيرت نظرتي للموضوع . قدمت على البعثه وسمعت أنها بواسطه بس الحمد لله معدلي مرتفع مع مرتبة الشرف والحمد لله أنقبلنا .. نرجع للزبده قبل أتخرج الشايب قدم على الضمان والحمد لله أنقبل بعد المرمطه وتعال روح وكشف بالمستشفى والحمد لله أنقبل من أنقبل قلت الحمد لله الله فتحها بوجيهنا الشايب ضمان وحنا بنتوظف قريب لكن لكن ما عندك أحد ما لقينا وظايف ... نجي للزبدة اللي أنا ماكل التراب فيها الشايب ما يعرف يصرف صرفت له يوم ونسيت البطاقه معي وضاعت وش السواه قلت أراجعهم راجعتهم قالوا بس أكتب معروض وصوره من كرت العائله وجيبها قلت الله يرحم والديكم بس هذي .. جيت أكتب المعروض ..! وش أكتب ..!! رجعت لهم قال أكتب أسم الشايب وأنها ضاعت قلت بس .؟؟ قال اي قلت ابشر وكتبت مثل ما قال لي وصورة الكرت وعطيتهم قالوا تراجعنا بعد ثلاث اسابيع .. راجعتهم قالوا لازم الشايب ... رجعت واليوم الثاني جبت الشايب .. دخل عليهم قال الموظف أنت مالك شي ... !!! هذي مساعده وخلصت ..!!! الوالد ما قال شي ورجعنا البيت وين البطاقه صرنا أثرياء قال ما نكبنا غيرك أنت ضيعتها يقولون مالك شي ..! قلت إشلون ..!! معقوله ضاعت وقت ما وقفت ..!! خلنا نراجعهم رجعنا وسأل بشباك التسليم قال البطاقه <<<(( بطاقة الاحوال ماهي بطاقتنا اللي بالأحمر)) عطاه الشايب قال هذي هي ... ما صدقنا قلنا وقفت نجرب ما اشتغلت ..! رجعنا قال اسبوع وتشتغل ... ؟؟ قلت عز الله راحت ... لا وظايف ولا ضمان بعد اسبوع واشتغلت ولقينا فيها المكرمه اللي برمضان قلت لكم انا أثرياء بعد العيد قطعت .. راجعنا ولا كنه يعرفنا هل الحين تحقق حلمي وانقبلت وزادة مكافأة المبتعثين وإذا تركتها ماكل تبن ماكل تبن تحقق حلمي اليوم أقدر أدرس مثل عيال النعمه وأرجع بشهاده وأصير أد الدنيا ولكن من ضيع البطاقه وما زلت أبحث عن عمل وأدرس تحضير للبعثه وأنتظر ما تسفر له الأيام فهل أذهب بـ هم الدراسه والغربه وهم البطاقه ....... أو أواصل البحث عن المجهول ..! وسلامتكم ...