المشاركة الأصلية كتبت بواسطة مخااوي االذيب

عز الله صدقت
خوينا شكله على قولته ( كلام الغالبيه ) انه متعب و صدق كلام الناس

بعدين تصدق أنا كنت في موقع مكروفه فيه بس كنت مرتاح نفسيا فيه و مع اخوياي
بعدها نقلوني موقع جديد يا رجال بلا نتبطح ندور الشغل لكن مافيه شغل بس النفسيه لك عليها ما ارتحت و فوق هذا انا مشرف على جميع الأفراد يعني ما أحد يامر علي و لا شغل و لا مشغله لكن تعبت نفسيا

سبحان الله اي مكان تجي فيه اما تتعب جسديا و ترتاح نفسيا او العكس مثل الي صاير معي و الرزق لازم الواحد يتعب فيه
يعني شل من مخك كلام الناس اذا احد قال لك شي تصدقه و تكرره لأنه بيطبع في مخك ان العمل الميداني تعب و مقرف

بعض الناس يكذب على عمره و من كثر تكرار الكذب صدق كذبته يعني يقول العمل متعب و نفسيه و غثا و بالعكس دوامه مريح بس صدق عمره انه متعب و تعب في دوامه

و اكيد صارت مع الكل حتى في غير العمل الي يكرر كلام و هو كذب يصدقه

المغزى في كلام شل التفكير السلبي من راسك
وانت على قولتك انك مترشح يعني ماهو مضمون توظيفك نصيحه خلك بوظيفتك ترها رتبه و راتب و مع الوقت بتاخذ دورات و تتغير مناصبك و يمكن يحطونك بتخصصك يعني اصبر توك جديد
ما هوشرط انك اذا نزلت ميداني خلاص تكون ميداني اعرف ضباط كثير بعد ما تخرجو حطوهم معنا في الميدان عشان يعرف كيف يشتغل في الميدان بعدين لو حصل شي و بعدها بسنه مسكوهم ادارة مراكز و الي راح اداره و الي ضل ميداني يعني مع الوقت تتغير المواقع و التخصصات

محدثك أنا كنت اداري و نقطه و دوريه و مشرف و قديم نقطه يعني كل المواقع اشتغلت فيها ماهو شرط اذا حطوك في مكان ما عاد يشلونك فيه
اول ماتعينت اداره و طلبت انزل ميدان سبحان الله ارتحت اكثر من الاداره

على قولت خوينا عصفور بيد احسن ....