لو سمحت أخوي (طالب تقناوي) عندي استفسار بسيط بخصوص اللغة, طبعا أنا خطوتين انشاءالله وابدأ دورة الفرد الأساسي. بس انشالله الأمور بتمشي سهالات وربنا يوفقنا للي فيه خير للجميع.

بس عندي مجموعة أسئلة اذا عندك خلفية لا تبخل علينا لا هنت.

أولا الحين اختبار تحديد مستوى اللغة ايش وضعه؟ يعني هل هو نفس اختبار الALCPT ولا اختبار من نوع آخر؟ واذا جبت درجة عالية جدا فيه هل تبتعث او يختبرونك الALCPT على طول وتطلع عالبعثة؟

ثانيا اللي مختبر اختبار كفايات اللغة الانجليزية STEP عن قريب, هل يؤخذ بهذا الإختبار بعين الاعتبار؟ ولا بيسحبو عليه ههههههه
بسأل لأني مختبره وجايب فيه 90 من 100 (قولو ماشاءالله)

كل الأسئلة ذي مدري عشان أنا عشت في امريكا فترة واللغة والمصطلحات الأمريكية كلها تقريبا عندي زي الموية, بس طبعا عشت ونشأت في السعودية فقلت لو يطلعوني على طول بدل ما اضيع وقت في المعهد حق اللغة

فهل في طلاب يطلعو على طول بعد دورة الفرد الأساسي اللي يكونوا متمكنين من اللغة؟

كمان دورة الفرد الأساسي لو تعطينا تفاصيل اكثر عنها, ايش طلباتهم؟ كم مدتها؟ في البداية سمعت اول 45 يوم محجوز عندهم؟
التمارين ايش هيا؟ يعني مو معقولة بس هرولة اكيد فيه كمية تمارين لياقة؟ ويعني الحاجات اللي ممكن نعرفها تفيدنا

بعد الدورة تصبح عسكري رسمي وتلبس البدلة على أي رتبة؟ وفترة دراسة اللغة في المعهد هل برضو المكافأة 900؟

فترة البعثة راتب البعثة 2000 دولار وراتب اساسي في السعودية, الراتب الاساسي كم بالزبط وهل متاح انك تستخدمه؟ او بينزلك ويتجمع لك الين ما تتخرج من البعثة؟

معليش كثرت أسألة عارف اني نشبة هههههههه بس متابعك وهذي اول مشاركة ليا وحبيت تكون دسمة

واكيد في غيري بيستفيد من أسئلتي واجوبتنك

بالتوفيق للجميع الله يسعدكم ويجعلكم سبب من اسباب ذخر وامن وامان هذا البلد بعد الله سبحانه وتعالى

ولاتنسوا تصلو على رسول الله صلى الله عليه وسلم

في امان الرحمن