يا كبر شرهاتي على بعض الأصحاب
وإلاّ بَعَضْهم ما الحِقه مشرهيه
بعض العرب لو هو من الناس الأقراب
إن غاب أو ما غاب عندي سويه
وبعض العرب لو هو من الناس الأجناب
لا غاب سبّب لي غيابه قضيه
من حطني بالقلب شلته بالأهداب
ومن زارني بعصير جيته عشيّه
م أطرد ورى المقفين لو كانوا أحباب
لو قربهم عندي ربيعٍ وفيّه
أقفي عن المقفي ولا اضرب له احساب
وآشد للمقبل شداد المطيّه
وآنا على خوة عريبين الأنساب
أحرص من الشايب على أصغر ذويّه
وحقي على الطيب مشاريه واعتاب
إليا ذكرت إن له حقوقٍ عليّه
وإلا الردي من بيني وبينه حجاب
لاهو خويٍ لي ولاني خويّه