اقتباس:
المشاركة الأصلية كتبت بواسطة ايجابي
السلام عليكم ورحمه الله وبركاته
اخواني الغالي كيف حالكم طيبين ان شالله
المؤمن في كل حالاته اذا اصابه سسراء شكر واذا صابته ضراء صبر والحمدلله على كل حال
الموضوع ومافيه يوم الخميس اللي راح جاني وانا مداوم شفت مسائي بالليل الساعه 11 بالليل مدير الامن بالوسطى تبع شركتنا المهم سلم وسوالف وقام يلمح لبعيد انه لازم تتحرك وتدور وظيفه ومن هالقبيل ويروح ويجي ومايبي (يجيبها كاش ) المهم قال بالاخر الشركه مسويه اعاده هيكله ومضطرين اننا نستغني عن كل حراس الشركه الا في المواقع الرئيسيه قلت له ورى ماخبرتونا قبلها عشان نشوف امورنا وندور وظيفه بديله مع اني مارضيت بكلامه وقلتها له وقلت ايضا ان علي اقساط سياره من البنك يعني بيخنقني البنك خنق و اني مرتبط في عايله والوالد متوفي رحمه الله عليه ولا لي رزق بعد الله الا هالراتب وانا معي شهاده دبلوم محاسبه من جامعه شقرا معدل كويس ولا لقيت وظيفه قال الامر ماهو من عندي هذا قرار من مجلس الاداره ولازم ننفذه المهم من بعدها وهي صاكه بي الدنيا مادري وين اروح مافيه وظايف ولا حولك احد يفزع ولو بشي بسيط
المهمم رحت من الاحد فالاسبوع التالي للشركه الاداره الرئيسيه ودخلت على مدير الموارد البشريه
واخذ واعطي معه ونفس كلام االلي قبله بس في اخر كلامه قال قدمو استقالاتكم قبلها وانا ما ارتحت من هالكلمه مع اني عارف خلاص ابنفصل
السؤال اللي في بالي
هل لي حقوق اخذها ؟
وهل اذا قدمت استقالتي بينزل لي ساند ولا اتركهم يكتبون انهاء خدمات
وايضا هل لو انهو خدماتي بيعطوني حقوقي ولا لا
خدمتي 3 سنوات معهم تاريخ المباشره 21/12/2014 وهذا اخر شهر اداوم معهم فيه
الراتب اول ماتوظفت كان3200 وعدلوه بعد سنه من توظيفي الى 3500
|
الشركة لا تستطيع إنهاء خدمات الموظفين وتصفية مستحقاتهم إلا بعد تقدم الشركة بخطاب رسمي لوزارة العمل توضح فيه أسباب تقليص عدد الموظفين بالمنشأة إداد دراسة مالية للميزانية والمصروفات لديها، ومن ثم تحدد وزارة العمل فترة إشعار الموظفين قبل إنهاء خدماتهم، فعليك أخي الكريم التريث ومعرفة حقوقك القانونية تجاه هذه الشركات وأن تستمر بعملك دون أي رضوخ للضغوطات التي تمارسها هذه الشركات، بالإضافة إلى أنه لا يحق للشركة إنهاء خدماتك إلا بعد إشعار خطي بذلك، والمادة (77) هي مادة ركيكة يستند عليها غالبية أصحاب العمل للإستغناء عن موظف، وهم لا يعلمون بأن هذه المادة بها ثغرات قانونية تصب في مصلحة الموظفين، وقد اختلف عليها جميع الوزراء السابقين الذين تولوا المناصب وبسببها تم إقالة بعض منهم نتيجة الشكاوى المتكررة من العاملين، فلا تلتفت للكلام الشفهي واجعل جميع تعاملاتك مع الشركة بصورة شكلية عن طريق المستندات والوثائق لا باللسان ولا تتسرع وتقدم على الإستقالة، لأنه باستقالتك من الشركة نظامياً ستضيع حقوقك.