المشاركة الأصلية كتبت بواسطة LS2

يالربع مساء الخير

ابشركم جتني رساله قبول مبدئي

ورحت لهم وسويت المقابله الشخصيه بالرياض

1-الأوراق المطلوبه شهادة الثانويه

2- بطاقة العائلة للوالد

3- صورة من بطاقتك الأحوال

4- صورة من الرخصه عمومي

تدخل عليهم يصفونكم طابور ويخذون الطول والوزن

وبعدها تجلس بالاستراحه وينادون اسمك وتروح وتدخل مبنى القبول والتسجيل

وتدخل على الضباط لؤء , عميد , عقيد يسالونك

اسمك ؟ وين يشتغل ابوك ؟ وين ساكن ؟ كم عمرك ؟ وشي شهادتك ؟ من أي منطقة ؟
قالي رح وتجيك رساله

وبعد يومين جيت لهم علشان اختبار اللياقة

اختبار اللياقة تسوي 20 بطن و20 بشم

وتلف على الميدان لفه وحدة يكون عددكم 10 اشخاص فقط

بعد ماتخلص من الميدان ينادي بالاسم ويقسمونكم الى مجموعات
يعطونك تعليمات ومعلومات عن الدفتر الاخضراء وموعد للفحص


عطوني دفتر اخضر اعبي بياناتي

اسمي وشهود ومعرفين لك وتروح للشرطه وتصدقها من العمدة او من شيخ القبيله

والاحوال المدنية تجيب برنت انك سعودي الأصل ومن الوالدة انه سعودية الأصل , واذا كنت مؤظف حكومي سابق


موعد الفحص الطبي

الفحص الطبي بمركز صحي المروج بالقوات المسلحه بمخرج 5 بالرياض

كانو معنا ناس من الكليه الاستراليه و الدفاع الجوي وحنا الحرس الملكي

الفحص عباره عن

1- اشاعه على الصدر

2- الباطنية تدخل دكتور ومعه سماعة ويحطه على صدرك ويقولك خذ نفس

3- السمع تدخل على دكتور يسالك اسمك ؟ تسمع زين ؟ انتهى .

4- دكتور الجراحه تدخل غرفه ومعك 10 تنزل كل ملبسك من غير السروال الصغير
يقول اسمك ؟ بعدها تدور على نفسك ويقولك كح

5- النفسية مادخلنا عليه

6- الاسنان مادخلنا عليه

7- العيون , فيه اختبار عمى الألوان يسالك كم الرقم هذا وصل يمين الى اليسار , بعدها تجلس على كرسي ويعطيك شي تغطي عينك وفيها فتحات صغيرة مررره ويسالك وين الفتحه
طبعنا تلبس عدسات يعرف انك لبس عدسات

8- تحليل الدم والبول (الله يكرمكم ) علشان المخدرات


وسلمت اوراقي لي شهر والى الحين ماجاني أي رساله او اتصل


ومابي منكم الا الدعاء والله يجزاكم خير


ان اصبت فمن الله وإن اخطأت فمنى ومن الشيطان

واسف على الاطاله