السلام عليكم ورحمة الله وبركاته،

مدري هل هذا القسم المناسب للموضوع لكن مالقيت غير، السالفه ومافيها اني اعمل حاليا في اسواق التميمي، مابعد كملت حتى ال30 يوم عندهم، والحمدلله جاني اليوم عرض وظيفي في شركة كويسه وراتب افضل..

سؤالي، وش الاجراءات الي لازم اسويها؟ هل اقدم استقالتي لمدير الفرع وامشي ولا كيف؟
مع العلم انهم ناس جدا كويسين ومتعاونين معي في هالفتره الي قضيتها معاهم، واعرف ان عندهم نقص حاد في الموظفين وتركي فجاءه للعمل (حتى ولو كان من حقي) احس فيها شوي اجحاف، فهل اقدر اعطيهم مده معينه في خطاب الاستقاله على الاقل 3 اسابيع (تعاونا مني) عشان يدورون على موظف بديل؟ يعني اتمنى شخص فاهم يعلمني..

العرض الوظيفي لسا مارسلت لهم موافقه، وماعرف كم المده الي بياخذونها على بال ماوقع معاهم عقد