المشاركة الأصلية كتبت بواسطة معاً للخير

السلام عليكم
آنا اليوم اختبرت في مستشفى الحرس الوطني بالرياض
بقولكم اللي اذكره وإن شاءالله أقدر أفيدكم - آتكلم عن الاختبار الطويل ابو 100 سؤال
الاختبار عبارة عن أربع أقسام
القسم الأول : قواعد - 30 سؤال
القسم الثاني : قراءه - 20 سؤال
القسم الثالث : إستماع - 25 سؤال
القسم الرابع : كلمات - 25 سؤال
المجموع : 100 سؤال

نرجع للقسم الأول : قواعد (Grammar)
قواعد الكلمات التالية
When
Since
Would
Have
If
as
more than
وفيه كم قاعدة نسيتها

القسم الثاني : قراءه وهو عبارة عن 3 قطع كالتالي:
القطعة الأولى : جوز الهند واستخدامه واكتشافه من قبل البرتغاليين
القطعة الثانية : ربات البيوت في اليابان وكوريا وانهم صارو يجلسون بالبيت أكثر من أول والضغط صار أكثر على الرجال
القطعة الثالثة : عن الاكل الصحي وانه غالي وبعض الناس يستخسرون يدفعون مبالغ أكثر
كل قطعة لها 5 أو 6 أسئلة
ونصيحتي للقسم هذا: أنك تسوي سكان للقطعه يعني تقرا بعيونك مو قراءه بلسانك ولا تتوقف عن اي كلمة بعد كذا تقرأ السؤال وتبحث عن إجابته في القطعة. والقطعه نفسها مو مهمه .. المهم انك كيف تطلع الجواب منها .. ممكن تلقى نفس القطعه اللي جت بالاختبار وتذاكرها وتضيع وقتك عليها وبالاخير تتغير ..

القسم الثالث: إستماع وهو عباره عن جمله تسمعها ولها أربع اجابات تختار منها وحده
مثلا : تسمع واحد يقول السؤال التالي :
What speed does a plane need to take off?
وفيه اربع اجابات تختار منها وحده
A- 10 minutes
B- Yesterday
C- 150–180 mph
D- The flight is far away from here
طبعاً الاجابه هي C
نصيحتي للقسم هذا : إنك تقرأ السؤال اول وتفهمه بعدين تسمع المقطع لانه ماينعاد - بس مره وحدة تسمعة

القسم الرابع: كلمات (Vocabulary)
وهي 25 سؤال مثل السؤال التالي :
1. When ___________ the school?
a) have you joined
b) did you joined
c) did you join
d) have you ever joined
الاجابة طبعا C
القسم هذا بتعرف الكلمة من الجملة - هل الجمله past والا present والا .... الخ

الاختبار طبعاً مو سهل على اللي ماذاكر
وطبعاً ماراح يصير صعب على اللي مذاكر

الاقسام الاربعة تقدر تبدأ بأي قسم تبغاه

فيه ناس تحب تبدأ بالصعب (قرامر) بعدين (كلمات) بعدين (قراءه) بعدين (إستماع) عشان يكونون في بداية تركيزهم للأقسام الصعبة .. وفيه ناس العكس .. طبعآ إنت وطريقتك كيف تأدي إختبارك.


انصحكم بالمواقع التاليه للاستماع :
http://www.esl-lab.com/#basic

والموقع هذا لتعليم القرامر والكلمات
https://www.learn4good.com/languages/english_level.htm
وفيه بنفس الموقع اقسام كثيره للقرامر وتعليم الكلمات وترتيب الجمل يعني موقع يغنيك عن الف موقع

أهم شي تبعد التوتر عنك .. عندك وقتك كامل (ساعه و أربعين دقيقة ) يعني كل سؤال عليه دقيقة واربعين ثانية
تقرأ السؤال في 20 ثانيه وتفهمه في 20 ثانيه وتجاوب عليه في 20 ثانيه = هذي دقيقه كامله وزياده معك 40 ثانية

وبالتوفيق يارب للجميع