المشاركة الأصلية كتبت بواسطة بحبك ديالا

اول شي الحين الي ما جتهم رسايل بالقبول مو معناته انهم ما انقبلوا
باقي في دفعات
وباقي في احتياط

ثاني شي ما تدري وش الخيره فيه
قد يكون رب العالمين مخبي لك شيء في المستقبل تقول الحمد لله اني ما تعسكرت..!
شخصياً اعرف شخص
كان مقدم على وظيفة فني مختبر في مستشفى ودخلت واسطه ووظفوا بداله سعودي متجنس من اصل فلسطيني
زعل الرجال وجاته مثل الحاله النفسيه وقتها
يقول انا اولى منه

الان الرجال ما شاء الله تبارك الله عقيد في الجوازات بالرياض وكل ما تذكر السالفه يضحك على نفسه ويقول كل شيء بيد ارحم الراحمين نزعل على شي وفيه خيره لنا وما ندري وش مخبي لنا رب العالمين في المستقبل


المغزى من رسالتي هذي انك توكل امرك لله

لو عرضت عليكم الارزاق لما وجدتم افضل من ما اختاره لكم رب العالمين...