السلام عليكم ورحمه الله وبركاته
كيفكم ان شاء الله بخير
انا وقعت عقد سنة مع شركة وداومت عندهم شهرين إلا كم يوم.
يعني باقي تحت فتره التجربه
عموما صارت لي ظروف وقررت اني اقدم استقاله بحكم إني تحت فتره التجربه
رحت للمدير وكلمته قالي ليش ومن هالكلام وعلمته عن الظروف واقتنع بعدين قالي شوف حنا بنسوي تصفيه حسابات بحكم إنك بفتره التجربه قلت طيب؟ قال الحين باقي على راتبك بالشهر الثاني 3 أيام، قلت ايه قال خلاص لا تجي بس بينزل راتبك كامل إذا نزل تعطيني راتب حق ثلاث ايام عشان اسلمها للإداره ونعطيك استقاله
قلت اوكي
المصيبه يا جماعه انا كنت واثق وموكلي امري له وقلت له طيب الاجراءات وشو
جاب لي ورقه تصفيه حسابات وقالي بعطيك تقييم 1 والتقييم من 4 عشان الشركة ما تقروشك وتقولك داوم إنذار شهر ومن هالكلام قلت طيب.
عموما بعد ما مشيت منهم بعد تقريبا اسبوعين فعلا شالو اسمي من التامينات
المفاجئه والمصيبه يا جماعه يوم فتحت موقع التامينات مكتوب
( فسخ العقد بموجب الماده 80 )
انصدمت وكلمت المدير وقال تواصل مع الاتش ار والموضوع عادي ترا لانك تحت فتره التجربه اي واحد تحت فتره التجربه بموجب الماده 80، قلت طيب وتواصلت مع الاتش ار وقلتهم ليش حاطين فسخ العقد بموجب الماده 80 قالو أصلا اي واحد تحت فتره التجربه مانعطيه استقاله لانه ما عدا فتره التجربه على طول نعطيه ( الماده ثمانين ) بوزاره العمل،
وانا بصراحه تخوفت وقلت بستفسر من وزاره العمل لإني بعد ما قريت بنود الماده 80
كلها مب كويسه
اخلاء بالشرف، مشاكل مع المدير، سرقه وبنفس البند فيه ( إذا كان العامل معينا تحت الاختبار ) ؟
هل الشيء اللي سووه الشركة صح
وهل الماده هذي تسبب لي ضرر
وهل من الممكن أن يغيرونها ويكتبون سبب الفصل تحت فتره التجربه؟ مايكتبون الماده 80