السلام عليكم ورحمة الله

انا استلم من التأهيل الشامل اعانة لفقر الدم

وقبل فترة مادري وش صاب أذني وصرت ما اسمع منها وبعد علاج وخرابيط الدكاترة قالوا لي إنت عندك ضعف في العصب السمعي وتحتاج سماعه لازم تركب سماعه

المهم اعطوني ورقه فيها تخطيط السمع ورحت ابغى اشتري لي سماعه وطلع سعرها شي خيالي بصراحه كنت افكرها زي سعر سماعه الأيفون ههههههههههه

قلت مالك حل غير تروح التأهيل الشامل
وانطلقت للتأهيل الشامل واعطيتهم الورقه وقال لي احنا الحين مانعطي سماعات بس نعطيك مبلغ تشتري فيه سماعه وقال لي بس هذا التخطيط روح المستشفى وخليهم يختموه وارفقه مع تقاريرك حق الأنيميا وارسلهم على الموقع

المهم رحت المستشفى اقول لهم اختموا لي هذي الورقه عشان اقدم فيها على التأهيل الشامل

المستشفى رفض وقال لازم تجيب ورقه من عندهم انهم طالبين تقرير وإذا تبغى اكثر من تقرير لازم يكون موضح إنهم يبون اكثر من تقرير
قلت لهم ان هم قالوا لي بس اختموا هذي الورقه وانا عندي التقارير ماصار لها فترة ورفضوا

المهم الحين وش الحل ارجع للتأهيل اقول لهم ابغى خطاب للمستشفى عشان التقرير وهم لما رحت لهم اول مره قال ماتحتاج اوراق بس اختم ورقة التخطيط من المستشفى وارفقها في الموقع وخلاص