السلام عليكم جميعا
بدخل بالموضوع الحقيقه ان من زمان في هذا الموقع وللاسف لحد الان لم اجد وظيفه وان قدمت على وظيفه لايوجد رد لكن خلونا بالشي المهم انا ملاحظ بعض الشركات او اللى شغالين الموارد البشريه يضعون اعلانات استفزازيه للشباب او كان الوضع زي التحدي وكانه في اعلانه اللى يحطه مستحيل اوضفك الا تتوفر الشروط التعجيزيه حبيبي ياصحاب الشركات يالموارد البشريه اتمنى النظر في بعض شروطكم التي تنفر الانسان من التقدم على الوظيفه
يعني يجيني واحد حاط شرط لغه انجليزي
والثاني حاط شرط خبره ٥ سنوات او ثلاث سنوات
والثاني يجيد البرنامج الفلاني
والرواتب للاسف حتى الواحد المفروض يخجل انه يحطها ٣ الالف ولا ٥ الالف هذا اللى للاسف ماتفتح لك بيت او تقدر تعيش فيها
حبيبي انت وياها السعودي يشتغل بس عطه راتب اقل شي ٦ ونص ولا ٧ الالف وتشوف الشغل الصح ومو شرط الخبره ولا شرط اللغه لان شي تعجيزي واي انسان لو يفهم لنظام الشركه من ناحية برنامجها او العمل فيها فاهي فقط لمدة اسبوعين ممكن يواجهه صعوبه لكن بعدها راح يسلك وتمشي اموره والشي الثاني بيكون حريص على عمله وبيشتغل وينتج لانه في راتب مرتفع وسلم واضح ومميزات اما تبون موظف خبره وراتب ضعيف طبيعي ماراح ينتج لان الراتب بحد ذاته شي محبط
انا لي تجربه في شركة بنده اشتغلت لمدة ٦ اشهر كاشير وكان الراتب ضعيف ٤٢٠٠ ريال وكان شغلي كاشير والعامل اللى معي كان يتكلم انجليزي رغم اني ماعرف الا اساسيات ولكن بحكم كثرة الكلام والتعامل معه صرت اعرف الكلمات واتحدث معه وخصوصا المفردات اللى تخص العمل مع ذالك اشتغلت بضمير وكان الراتب ضعيف وشغلي كان كاشير ولكن مع ذالك قلت اطور نفسي صرت ادخل سستم الشركه واجرد الاموال واقفل السستم حق المحل واجرد البضائع مع انه كله انجليزي مارست هالشي فقط مدة اسبوعين اساله عن النظام وسستم الشركه وصرت اقفل النظام بنفسي وافتحه بنفسي مع انه ماهو مطلوب مني وكله انجليزي ولا اعرف اللغه لكن عرف للخطوات لدرجة ان العامل انصدم مني اني عرفت بالسرعه ذي والمدير حقي انبسط مني وصار حتى العامل اللى معي مايشيل هم يجي يفتح السستم او يقفله وكنت اجرد كل شي وادخله بالنظام بدقه وكسبت خبره بشي ماهو مطلوب مني عموما الشاهد من الموضوع ان السعودي بس عطوه فرصه وظفو بدون تعقيد او شروط تعجيزيه وعطوه راتب يقدر يفتح بيت ويعيش منه وراح تشوفون الانجاز اللغه ماهي عائق والخبره ماهي عائق او شرط اتمنى اخذ الموضوع بجديه واعادة النظر في الشروط والرواتب واي اقتراحات او افكار او خطط معينه بخصوص التوظيف انا حاظر مع اني لا املك اي عمل ولا هو من اختصاصي
وللتواصل وت ساب على هذا الرقم
٠٥٨١١١٥٠١٤