|
رد: الله يفرجها على كل من بيجاوبني
اقتباس:
المشاركة الأصلية كتبت بواسطة عظيم حليم
السلام عليكم ورحمة الله أنا طول عمري أقدم على وظائف وهذي أول رسالة تجيني في حياتي ولله الحمد
لديك مقابلة شخصية لوظيفة مستخدم بمركز التدريب التربوي للبنات بشقرا وطبعا طالبين الاوراق اللي يقولوا كتبوها بالاعلان
(أسألتي)
1-وش طبيعة هالعمل؟وكيف راتبة وهو حكومي ولاتابع لشركة خاصه؟
2-أنا من سكان الغربية فهل هذي الوظيفة تستحق السفر والاستقرار بمنطقه اخرى غير عن منطقتي؟
3-مااعرف الاوراق المطلوبه لانهم ماكانوا كاتبين بالاعلان؟فإيش أجيب معاي؟
4-هل يرفضوني لأني لست من شقرا أم لا؟؟
أنا جدا متردده أجلس ومترددة أروح بسبب عمري 34 مابقى لي شي غير سنة على قبولي بالوظايف الحكومية النسائية لأنهم يشترطون إلى35 سنه وانا خلاص كبرت
انتظر ردودكم والله ماعندي خلفيه عنها أبدا وابشروا بدعاء
|
بسم الله الرحمن الرحيم نبدا بالاجابة وحده وحده
1/ العرف في كلمة ( مستخدم ) تعني الوظائف اللي اقل من الجامعة والدبلوم يعني حملة الشهايد الثانوية
سواء بخبرة او بدون خبرة
2/ وقبل ما انسى دايما المقابلات في الجهات الحكومية تجي بعد فترة من الاجراءات مثل الاختبار + الفرز + بعض الاجراءات ثم بعد هذي كلها تجي مرحلة المقابلة فانا مستغرب كيف طلبوك للمقابلة فجأة بناءا على مافهمت من المقدمة اللي كتبتيها ولكن مايهم مادمهم طلبوك للمقابلة ممكن جمعوا كل شي في وقت واحد ( تصير احيانا ) مثل ما صار معاي في جامعة الدمام سابقا
3/ الاوارق المطلوبة / اشياء اعتيادية تقديرية انت تقدرينها بنفسك مثال / المؤهل الدراسي واذا كان عندك مؤهلين يعني شهادتين خذيهم كلهم حتى لو ثلاثه واي دورة تدريبية مرتبطة في نفس مجال هذا العمل خذيه معك + اثبات لغة انجليزية على سبيل المثال شهادات او ورقة من اختبار كفايات او اختبار ايلتس الخ + الخبرات المرتبطة في نفس مجال العمل المتقدم عليه + اي شهادة شكر وهذا من الذكاء لانك تفهمين جهة العمل بطريقة غير مباشرة انك امينة ومخلصة في العمل وعملية وماجات شهادة الشكر عبث الخ + اي انجازات عملية مثبتة بورقة كدليل على هذا الانجاز او شهادة تثبت هذا الانجاز مثلا : الحصول على المركز الاول في مسابقة تربية البنات في منطقة مكة المكرمة هذا مثال حتى تتضح الصورة
4/ طبيعة العمل : طبيعة عمل المستخدم باختصار وبكل سهولة وتبسيط هي احد الامرين : 1: اما مكتبية يعني جالسة على مكتب 2: او روح وتعال يعني شغلك ميداني حركي مثل مراقبة او مراسلة الخ
5/ هل تستحق السفر والمعاناة والغربة ؟ اجابة هذا السؤال ما يبين معاك الحين يبين اذا عرفتي انتي على اي مرتبة وعلى اي درجة من هذي المرتبة ووش نوع البدلات اللي يعطونكياها ثم تجمعينها ويطلعلك الراتب الاجمالي
البدلات الثابته في كل الوظايف هي بدل نقل : 500 ريال هذي في كل الوظايف الحكومية بكل انواعها
6/ هل يرفضوني لاني لست من شقرا ؟ لا ماهو شرط يقدمونك اذا مكتملة الشروط عندك ويأخرون غيرك وان كان من اهل شقرا فالمعيار هي الكفاءة العملية وليست القرب
7/ مترددة صلي ركعتين ثم بعد السلام ادعي بدعاء الاستخارة وانصحك ( الاستماع الى منزلة التوكل - خالد السبت - 5 حلقات - اسمعيها كلها موجودة في اليوتيوب موقع الشيخ نفسه )
8/ تقولين ما بقى لك شي على وظيفتك شوفي يا اختي الغالية الارزاق بيد الله عز وجل والله لا انتي ولا انا ولا غيرك بيده مفاتيح الرزق فلا تتوكلين على الاسباب وانما توكلي على مسبب الاسباب رب العالمين القادر ولابد تكونين بقوة يقين وايمان بان مافي يد الله اوثق من مافي يدك من القدرة على تحصيل الرزق وجلب المصالح ودفع المضار واستعيني بالله ولاتعجزين واذا لاحت ملامح الوظيفة في اي مكان فتوكلي على الله ولا تترددين ( فاذا عزمت فتوكل على الله ) ولاتنسين الدعاء والاستمرار فيه مع الترجيح بصلاة الاستخارة لو لـ 7 مرات مثل ماجاء في احد الاحاديث
9/ عمرك 35 والرسول صلى الله عليه وسلم ما صار رسول الا في الـ 40 احيانا ابواب الخير ما تنفتح الا بعد الاربعين تطمني الخير قدامك جاي
10 / ختاما ثقي بالله واعتمدي عليه مثل ثقتك بامك واعتمادك على صدقها في قولها لك ولله المثل الاعلى والسلام ختام
تحياتي
التعديل الأخير تم بواسطة عاصم بن ثابت ; 03-01-2019 الساعة 04:22 PM
|