|
رد: اللائحة التنفيذيه للضمان الاجتماعي 1440 وجداول المخصصات للمعاش والمقطوعه
اقتباس:
المشاركة الأصلية كتبت بواسطة المستفيد1436
تدري يااخ محمد كلمت 1199 وردت علي وحده والله مدري هل هي فاهمه عملها او توقعت لي من عندها والله اعلم
كلمتها بخصوص التقرير قالت لي انه يبدا من اول تاريخ صرف لك قلت لها اتوقع 37 قالت اذن تحديثه في 41
او انتظر الاسقاط ثم جيب تقرير حكومي وارجع للضمان
فقلت لها : انا داق حتى اتجنب الاسقاط واجيبه من بدري
قالت مدري لكن يبدا من اول صرف لك اربع سنين احسب
انا الصراحه مدري
على العموم انا قد كلمت دكتورتي عن التقرير والاحد باذن الله بروح اطلبه واول مااستلمه يااني اروح الضمان واعطيهم تتوقع يقبلونه ؟ ولا لا اقصد ياخذه مني ويرفعه في حسابي في الكمبيوتر عندهم
او اني اجيبه واخليه عندي احتياط وبرضه لو طلب التحديث بعد فتره طويله قيد هذا ماينفع بشئ
وش تشور علي
|
ممكن خدمة العملاء كلامهم سليم واحتساب التقرير من تاريخ التقرير السابق وممكن لا لكن اللي انا مستغربه فيه ناس لهم اكثر من 7و8 سنين لم يطلبوا منهم التحديث الان لكن اللي انا شايفه لاتستعجل باخراج التقرير لأنه هناك خطاب تخرجه من الحاسب بتاريخ خروجه ومن ثم التقرير بتاريخ اخر لكن اذا خرجت التقرير سلمه الضمان على طول لرفعه بحسابك وحتى اذا صدر الامر بتجديد التقارير يستبعدونك من التجديد
__________________
لااله الا انت سبحانك اني كنت من الظالمين .. استغفر الله العظيم
اللهم احفظ بلادنا وولاة امرنا وأمدهم بالصحه والعافيه
ان غبت يوما فتذكروني بدعوة صادقه وان اسأت او اخطأت بحقكم فكونوا كرماء
دخول للمنتدى قليل والمعذره
|