|
رد: الف مبروك للمقبولين في الخطوط الحديدية
يا واثق بالله خلك واثق بالله وعلى يقين بالله ومتوكل على الله ومحسن الظن بالله
ومتفائل بموعود الله انك راح تتوظف احسن وظيفة سواء في هذي او في غيرها ( ابتسامه )
شف طال عمرك انا سويت مقابلة وكانوا لجنة عبارة عن طاولة كبيرة وجالسين حولها مجموعة من الموظفين وكان فيه شخص باين عليه انه رئيسهم يعني رئيس لجنة المقابلة سألوني اسألة خفيفة واللي اذكر منها قالولي ليش فصلت من عملك السابق ( انا كنت عسكري سابقا ) ومقدم على وظيفة مراقب امن وسلامة وعمري 35 وقلتلهم كنت صغير سن وما كنت فاهم الامور مثل الان وكنت جاهل بالقوانين ، وفصلي كان عبارة عن غياب ، ثم سكت يعني انا اللي سكت فرئيس لجنة المقابلة (( ابتسم )) بسبب جراءة الاجابة اللي يتجنبها اكثر المقبلين على الوظيفة والمرواغة في الاجابة ، وانا كنت صادق وعلى ثقة بالله انه مايصير الا ما شاء الله ، وقالي خلاص يقصد قوم انتهت المقابلة فاغلب الشباب سووا مقابلة زيي وانا اتسائل هل انت سويت مقابلة مع هذي اللجنة اللي انا وصفتها لك او لا ؟؟ وللامانة المسألة محد يقدر يخمن في هذا الموضوع هل بيدقون او لا ؟ ولا ودنا نعتمد على الاراء ، كل واحد يقول كلام غير مبني على حقيقة او هل اصلا دقوا على ناس ماهم مسجلين معنا في المنتدى وانقبلوا وطارت الطيور بارزاقها وحنا ما ندري فالله اعلم ، ولكن ودنا بواحد ذيبان يدق عليهم تلفون ويسألهم وين وصلتوا ؟؟ هل تقفل الباب وانتهى موضوع هذي الوظيفة ولا باقي الموضوع مستمر ؟؟ واتمنى ممن عنده اجابة من الاخوان احتساب الاجر ومساعدة الشباب بالاجابة ولايتخوفون من الاجابة وترى اجابتك عن اسألة الشباب ما راح تقطع رزقك تطمن ( ماشاء الله كان ومالم يشأ لم يكن ) والسلام عليكم ورحمة الله وبركاته
التعديل الأخير تم بواسطة عاصم بن ثابت ; 12-03-2019 الساعة 11:26 AM
|