بخصوص الكشف الطبي اللي بالخرج،

لزم تحضرعلى الساعه 7، واتوقع على 8 او 9 يقفلون الباب ماحد يدخل

وأهم شيء تكون لبس بدلة مايفرق اللون وبوكسر قصير

الوضع هناك بداية ترتيب وبعدها لخبطه

أول شيء يأخذون الطول والوزن ( فيه ناس تاخذ طولها بجزماتهم)
فحص الاذن (شف لك عيادة تنظيف للاذن قبل ماتروح)
الاسنان ( يقولك ابتسم ويختم)
فحص العيون (رقم من الموضوع المثبت اختبار عمى الألوان+ حرف E تحدد اتجهه) طبعا يعتمد على الوظيفة المقدم عليها
فحص النفسية ( سالني رقم الهوية+اسمك+كم عمرك+اول مره تقدم؟)
فحص الاشعة ( يأخذون اشعة على الصدر)
قسم الجراحة ( لزم تخلع كل شئ ماعدا البوكسر ( فيه ناس دخلوا بنطلون بحكم مالبسوا بوكسر بس إذا تبين انك لبس اثنين بيرسبك بالنظام ولا رايح يقولك الدكتور وبيكمل اجراءاته ويختم للاوراق علشان ماتسوي زحمه) طبعا فيه غرفة تحط ملابسك وتطلع تصف طابور في ممر كلن يشوفك).
قسم الباطنية ( لعب اطفال تدخل ياخذ رقم هويتك ويختم لك)
قسم المختبر ( بنسبة لي قسم زبالة، يجون متاخرين ويأخرون الناس)

ونصيحة بعد ماتشوف ما فيه تنظيم كل ما تخلص قسم شيك على حق المختبر إذا موجود صف طابور وخلصه اول بأول، لن باقي الاقسام سريع سريع يخلصون.

ونصيحة ترى ممنوع تدخل بالجوال او قبعة، إذا جاي وما معك سيارة بيقلون لك حطه عند البوابة وحقين البوابة يقلون لك ترى ما نتحمل مسؤلية إذا انسرق لن عمال تدخل وتطلع.

معلومه مهمه ترى الدكاتره يطلعون بدري إذا سمعتهم يصوتون لا تحقرهم وتأخرهم لن لو راح الله يعينك تجيهم بكرا علشان تخلص.