|
رد: لو فتحت مؤسسة وجبت عمالين في البلاط ... ايش التكاليف ؟؟ وايش الدخل المتوقع ؟؟
اقتباس:
المشاركة الأصلية كتبت بواسطة محتار في التجارة
اخوي الغالي عشان تعرف الجواب حاول تشتغل مقاول اقل شي 3 شهور عشان تعرف السوق وايش يحتاج وتعرف العمالة عندكم البلاط باكستانيين افضل من الهنود والبنغال التكاليف طبعا مع التاشيرات والسجل الخ يتراوح بين 10 الى 15 الف
بس اذا ما عندك دراية راح تخسر المبلغ كامل في غمضة عين لان سؤالك الاخير عند الارباح يعتمد عليك هل تقدر تسوق لعملك وتجيب عقود ولا مع احترامي زي الاغلبية يتكي في البيت ع فصفص وشاي واخر الشهر يدغدغونه العمال بالف او الفين
|
مشكور ... الشغل متوفر
وقدامي عمال مايوقف شغلهم .....
انت قلت يكلف 10 إلى 15 الف ....
طيب بعدين كم لازم تكون انتاجية العامل الشهرية حتى اغطي التكاليف واربح ؟؟؟
اقتباس:
المشاركة الأصلية كتبت بواسطة فيوزز
الي صاحب الفكرة كل شي بالسعودية فيه رزق . إذ بتفتح مؤسسة بقولك عن كل التفاصيل تطلع سجل تجاري مع الغرفه التجارية بيكلف أقل شي 1300اوتستاجر مكتب ب3000 نقول جنوب الرياض إذ أنت بالرياض وترفق رخصة البلدية 400وبعدين تروح لمكتب العمل يفعلون الموسسه تعطيك الدولة 3 جنسيات وتسدد 6000 وتختار المهن وتحدد الجنسيه ويجون عندك تسئل عن رخصه العمل والاقامة كل عامل بيكلف عليك حدود 9500 أقل شي
|
هذا معناه يبغالي للجهات الحكومية 1300+400=1700
ايجار المحل 3000
التاشيرات 6000
رخصة العمال والاقامات كل عامل 9500 سنويا و3 عمال 28500
وهذا معناه ان كل عامل مطلوب منه شهريا 791 ريال اضافة إلى أن العامل كل يوم يحتاج مصاريف أكل ومشاوير وإيجار سكن وصراحة ماادري كم تجي مع بعضها
لو افترضنا العامل ينتج 15 متر في اليوم ومعاه عامل ثاني يساعده وسعر المتر 17 ريال وهذا معناه انه بيطلع في اليوم 255
ولو استمر كذا واشتغل 24 يوم مثلا في الشهر بيطلع 255*25= 6375
فهل هذا جيد ؟؟ للعامل ولمساعده وللاكل والمشاوير .....
العامل
التعديل الأخير تم بواسطة الفتى المكافح ; 16-09-2019 الساعة 12:26 PM
|