رحت اليوم وقدمت ..
بس يقولون بيصير فيه مفاضلة ..
وبعد العيد بيعلنون مين اختاروا بشكل مبدئي ..
بعدين هاللي اختاروهم بيسوون لهم اختبارات ..
ومن هالاختبارات برضوا بيصفون من يبون ..

سألت اللي قدمت عندها .. قالت الدورات والخبرات اللي قبل التخرج ما تقبل..
وفوق كذا لازم تكون مختومة من جهة رسمية انها مقبولة .. ما يكفي ختم المؤسسة او المعهد..

والخبرات لازم ما تقل عن ستة أشهر.. أما الدورات فما تقل عن شهر..

وقالت بعد ان المفاضلة بتكون في حدود ضيقة جداً.. وغير كذا سالفة الاختبارات اللي عقب أكيد بتنخل نخل ..

أما التخصصات فقالت التخصصات المذكورة في الاعلان فقط...
أي تخصص ثاني ما يمشي .

وترا الوظائف قليلة مو كبيرة.. يعني الفرص قليلة جداً..
ومكتوب ببطاقة التقديم خيار إذا ترغبين يكون اسمك متوفر لوظائف أخرى أو لا..

أما عن مكان العمل فـ بيكون ثابت بالرياض .. لكن فيه قدر -شكله كبير- من الاختلاط..
اللي سبق إن سمعت إنه عن طريق المكالمات الهاتفية .. وان المكاتب النسائية معزوله ..
بس لما ألحيت بالسؤال صرفتني وقالت ما عندي أي معلومة..

كل أوراقي قالت ما تحسب لي .. لا من شهادات دورات ولا خبرات..
لأني توني متخرجه .. والتاريخ المحرر للتخرج أقل من شهر ..

طبعاً ما رضت تأخذ السيرة الذاتية .. واكتفت بالنسخ اللي أخذتها..
والأصول لأي ورقة تقدمينها مطلوبة وتقول لازم تكون مختومة و مصدقة..
لأن الأصول للمطابقة فقط.. بما فيها بطاقة الهوية الوطنية (بطاقة الأحوال).. أو بطاقة العائلة..

منقول عن عضوة في احد المنتديات..