اقتباس:
المشاركة الأصلية كتبت بواسطة فكرة و تنفيذ
السلام عليكم
يسعدني اني اكون اول رد و مقترح عليك
اولا : احب اهنئ تفكيرك لأختيارك التجارة اونلاين ، لان فعلا هذا الاتجاه الصائب والغير مكلف فمثلا تطبيق نون و سوق كوم و جولي شيك عبارة عن تطبيق جوال و مستودعات لتجهيز الطلبات فقط بدون محلات و ايجار و عماله زيادة.
ثانيا : لا أويد انك تبدأي في تطبيق جوال او موقع الكتروني ، خلي بدايتك متجر انستقرام لان تطبيق جوال يحتاج تسويق عشان الناس تعرفه وايضا الموقع الالكتروني لكن حساب انستقرام يمكن استخدام الهاشتاق ويصل منتجك ليس السعوديه فقط بل العالم العربي.
ثالثا : ابعدي عن راسك كل البعد عن ايجار محل حتى لو ارباحك اليوميه وصلت 5000 ريال. لان التوجه الان الكتروني ولا في محل مشهور بالسوق الا لازم عنده حساب انستقرام و سناب شات ليسوق به عند جماهير اكثر.
رابعا : عشان تكوني مميزة بشغلك اقترح عليك ان يكون عملك احترافي فمثلا طباعه هويه خاصه بك يعني مثل شعار نون و سوق كوم مثلا اكيد طلبتي منهم ووصلك المنتج بكرتون اصفر و شعار نون و المنتج مكيس بالداخل يعني بالعربي ( تغليف امن و نظيف ) هذا يزيد من احترافية شغلك و تميزك عن باقي المتاجر. وترى الكراتين رخيصه اذا طلبتي بالجمله.
خامسا : ان تعاملك مع الزبائن تعامل فردي يتعبك ، ولايحسس الزبون بالثقة بك ، لذلك خلي تعاملك تجاري شركه او مؤسسه عشان اسعارك ثابته و لايجلس يكاسرك الزبون سعرك واحد ، وتغليفك احترافي و شحنك للمنتج و توصيله و استلامه ايضا احترافي.
سادسا : يتوفر لدي حساب انستقرام متابعين حقيقين 134 الف متابع و افكر في بيعه يمكنك البدء فيه مع هديه شعار احترافي مجانا لمتجرك.
سابعا : سمعت من شخص مؤكد 85% يقول المنتجات الغير متطابقه مع المعايير و المقاييس ترد للمصنع او تعلق بالميناء او الجمارك ، عشان كذا ممكن تجيبي شحنه قيمتها 10 الاف مثلا واخر شي ماتدخل بسبب الجودة ، فالافضل تتأكدي من الجمارك نفسهم. - اما عن السجل التجاري اكيد لازم اذا بتجيبي كميات اكثر من 50 حبه مثلا.
وطريقة انشاء سجل تجاري بسيط من النت بدون مراجعة وزارة التجارة وتطبعي السجل من النت و السداد من الصراف او التطبيق الجوال.
واخيرا : انصحك بالتركيز على المولات بالرياض اقرب لك مثلا اذا انتي من الرياض في مولات تجيب بضاعه جميله و رخيصه ، وتقدري تاخذي و تعرضي و تغلفي التغليف في ملاحظه رقم ( رابعا ) وبيكون شغلك متميز و مختلف.
- ولو نشاطك يكون مو ملابس فقط يعني شي مختلف افضل ، لان الملابس بكل مكان و زمان الا اذا في شي مختلف ويكون متوفر عندك فقط فهذا شي جدا جدا جميل. |
شكرآ جزيلا لك علي الرد علي موضوعي واشكرك علي النصائح التي وجههته لي وبصراحة استفدت من اقتراحك فكرة طباعة شعار وتغليف المنتج ووضعه في كراتين فكره جدا جميلة