صباح الخير أولاً
طيّب طلما للحين مافيه اي تفاعل رح اكمل اللي عندي وان شاء الله يفيد ويكون باب رزق على احد
بعد ماحددت مسارك .. اهدافك.. ركزت بالضبط انت وش تبي .. وحددت امكانياتك وعيوبك..
نجي للجد الحين وللشغل
سواء كان مامعك ولا ريال .. او معك 500 ريال
كلها الأثنين رح تنفع

ناخذ مثال مشروعك او طموحك مطعم ..
المطعم عبارة عن طبخات + اثاث + ادوات غير التوصيل و و و و ...
تحتاج تصوير منتجات + اشهار اسمك كسمعة وإلخ..

او مثلا حاب تفتحت محل يبيع منتجات صينية كورية او اللي تبيه

يصير انت في البداية رح تحتاج رأس مال تقريباً 3 الاف ريال

فيه عندك اكثر من شغله تقدر تدخل فيها فلوس وكل اللي بقوله لكم معظمه جربته ووالله العظيم دخل لي فلوس ماتتخيلونه .. بس لمجرد اني وقفت او اهملت طبيعي رح يوقف الدخل

اول خطوة سويتها اني فتحت اكثر من حساب انستقرام (وهو تقريباً اغلب نجاحي منه)

وصرت ازيد متابعينهم باكثر من طريقة
واحد خليته فيديوهات تضحك
وواحد خليته اكل
وواحد خليته انجليزي
وهكذا...
وهذا شغلي الشاغل يومها ...


وثاني خطوة صرت اجمع الريال عالريال وفيه الف فكرة وفكرة تلاقي منها فلوس:
1- مندوب توصيل لمشوار ب 30 ريال بس بدون مرسول .. تتعامل مع التاجرات والطباخات
توصل اليوميه منها ل 120 ريال لو اخذت بس 4 طلبات وجنب على جنب قيمة البنزين

2- مصمم بطاقات زواج وشعارات ومصمم فلاتر وغيرها .... هذه برضو دخلت لي مبلغ جامد
كنت مصممة 100 بطاقة عليها اغاني وعرضتها للبيع في ترايدنت على المواقع بتغيير الحقوق وجاني واحد صاحب موقع واشترى مني البطاقة ب 10 ريال فااخذها كلها ب 1000 ريال

3- تصوير منتجات عن طريق كاميرا الجوال...
كل اللي عليك تستخدم واحد من حسابات الانستقرام.. وتصور اي شي في بيتك بطريقة جذابه ..وتنزل الصور بالحساب
بس المهم تكون تعرف تصور مو كلام فاضي.. وهذا سهل انا دخلت دورة ب 350 ريال وبعد ماانتهت الدورة اكتشفت ان شرح المدرس كله كان موجود في فيديو يوتيوب عن طريقة استخدام كاميرا الجوال الايفون او الاندرويد للتصوير .. الدعوة مااحتاجت مني اي جهد اكثر من يوم .. واتعلمت كامل التفاصيل
ونزلت في مجال التصوير 3 صور لمنتج ب 50 ريال
جهزت حسابي بالصور وبعدها صرت اضيف الناس وخاصة اصحاب المنتجات والمتاجر

4- كلمت صاحب محل مواعين واشياء للبيت والتنظيف وطلبت منه اني اشتري منه بسعر الجملة لمنتج جديد مو موجود بالسوق وانا اسوقه له بمكيات كبيرة
وفعلا اخت مساحة كان يعطيني المساحة ب 10 ريال وانا دخلت ابيعها في المنتديات والانستقرام ب 45 ريال
وكان مكسب قوي جدا جدا جدا

5- كلمت وحدة حقت شراشف صلاة انه تعطيني سجاجيد وشراشف بقيمة 500 ريال وحجزت طاولة في الجاليت بقيمة 700 ريال ل3 ايام واخذت منها الشرشف مع السجادة ب 85 ريال وبعته في المركز ب 150 ريال

6- اشتريت زي المهرج والوان الرسم واشتريت كم لعبة لتلعيب الاطفال وجمعت عيال الحارة الصغار وعيال بنات خالتي الصغار وعيال صحباتي وسويت لهم يوم لا ينسى .. الجمعة كانت بالقطة لكن انا استلمت بس موضوع التلعيب.. وخليت الامهات يصوروني ... وطبعا وجهي مب باين فيه شي.. هذا غير سماعات الاغاني الكبيرة اخذتها ب 350 ريال من محل يبيع بالجملة ورخيص..
المهم انه جمعت الصور والالعاب والفقرات ونزلتها في الانستقرام وكتبت عليها مهرجة للمدارس والمناسبات
وكانت سعر الساعتين ب 600 ريال

7- اشتغلت في الابحاث وهذه جت صدفة صراحة .. جلست ادور في النت عن ابحاث جاهزه للبيع .. ايام الثانوي.. عشان اقدمها كعمل بحث لطالبة وبعد مااشتريته جت وحده قالت لي من وين جبتيه قلت من برا المملكه
وصرت وسيط بين البنت وموقع الابحاث.. ارسلت لهم طلبها وحددوا لي قيمته وبعدها حولت لي مع ربحي وحولته لهم واستلمت البحث وعطيتها هو بالايميل زي ماطلبته .... وسيط بارباح من دون تعب ..

8- عطيت خبر للجيران والاقارب والصحبات وصحبات امي بالذات ان عندي استعداد امسك اطفال بالساعة ... خاصة لما تكون عندهم زواجات وحفلات .. دخلت لي فلوس لكن انا ماحبيتها.. ازعاج :$



المهم وفرت تقريباً 3000 ريال واكثر وبعدها
جلست ادور وادور في علي بابا سلع مو موجودة بالسوق .. وعشان خبرتي ماهي كفاية في الشراء من المواقع استعنت بوسيط يشتريها لي ويضمن وصولها ...
اكتبوا بقوقل وسيط علي بابا ويطلع لكم .. المهم مشكلتهم كانت بس فيان سعر الفائدة عالي وياخذ وقت على بال ماتوصل لكن هذه كانت قفزة ناجحه مني في بعض السلع وبعض السلع اكلت فيها هوا بسبب اني مااخترت صح ..

طبعا كل هالشغلات كانت شغل مؤقت لين قدرت احدد توجهي واحول هالشغلات لصحباتي ..


المهم فكر واقرأ ودور عن اي شي بتدخل فيه واقرأ تجارب الناس ومين منافسينك بالسوق وايش الشي اللي يخليهم ياخذون منك وماياخذون من غيرك....


ان طرا ببالي شي بكتبه لكم ... لأنه من كثر مااشتغلت اشياء كثير ناسيه حاليا اغلبها

وركزوا على انكم لاتدفعون شي بسهولة .. فكروا وشوفوا وراقبوا السوق اول وبعدين ادفعوا...

الله يوفقكم وادعولي ان ربي يفتحها علي ...
واللي عنده اي استفسار انا عندي استعداد افكر معاكم واساعدكم لكن رجاء الجادين فقط .. لآني ماابي اضيع وقتي الا على شي اشوف فيه فايدة